‘’தற்போதைய சூழலில் இந்தியாவுக்கு மன்மோகன் சிங் போன்ற ஒரு பிரதமர் தேவை,’’ என்று ரிஷி சுனக் கூறியதாகக் குறிப்பிட்டு, சமூக வலைதளங்களில் பகிரப்படும் ஒரு தகவலின் உண்மைத்தன்மை பற்றி ஆய்வு செய்தோம்.
தகவலின் விவரம்:
இந்த தகவலை வாசகர் ஒருவர் நமக்கு வாட்ஸ்ஆப் சாட்போட் வழியே (9049053770) அனுப்பி, உண்மையா என்று சந்தேகம் கேட்டிருந்தார்.
இதுபற்றி விவரம் தேடியபோது, ஃபேஸ்புக்கிலும் இதனை பலர் ஷேர் செய்வதைக் கண்டோம்.
Facebook Claim Link I Archived Link
உண்மை அறிவோம்:
இங்கிலாந்தின் புதிய பிரதமராக ரிஷி சுனக் பதவியேற்ற நாள் முதலாக, அவரை பற்றி இந்தியர்கள் பலரும் புளகாங்கிதம் பொங்க, ஏராளமான வதந்திகளை சமூக வலதளங்களில் ஷேர் செய்வது தொடர்கதையாகியுள்ளது. நாமும் இதுபற்றி அவ்வப்போது செய்தி வெளியிட்டு வருகிறோம்.
இந்த வரிசையில் சற்றும் யோசிக்காமல் பல்வேறு மொழிகளிலும் பகிரப்படும் வதந்திதான் மேற்கண்ட தகவல். ஆம், என்னதான் பல மொழிகளில் மொழிபெயர்த்து இந்த தகவல் பகிரப்பட்டாலும் அந்த புகைப்படத்தில் Dainik Bhaskar லோகோ இருப்பதை அனைவரும் வசதியாக மறந்துவிடுகின்றனர்.
இதன்படி, Dainik Bhaskar இப்படி ஏதேனும் செய்தி வெளியிட்டதா என்று விவரம் தேடினோம். அப்போது, Dainik Bhaskar ஏற்கனவே இதுபற்றி மறுப்பு தெரிவித்து ஒரு ட்வீட் வெளியிட்டிருப்பதை கண்டோம்.
எனவே, Dainik Bhaskar லோகோவுடன் பகிரப்படும் குறிப்பட்ட தகவல் உண்மையானதல்ல என்று சந்தேகமன்றி உறுதி செய்யப்படுகிறது.
முடிவு:
உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.
எங்களது சமூக வலைதள பக்கங்களை பின்தொடர…
Facebook Page I Twitter PageI Google News Channel I Instagram
Title:இந்தியாவுக்கு மன்மோகன் சிங் போன்ற ஒரு பிரதமர் தேவை என்று ரிஷி சுனக் கருத்து கூறினாரா?
Fact Check By: Fact Crescendo TeamResult: False
