துல்கர் சல்மான் நடிப்பை பாராட்டிய உதயநிதி ஸ்டாலின் என்று பரவும் செய்தி உண்மையா?

‘’துல்கர் சல்மான் நடிப்பை பாராட்டிய உதயநிதி ஸ்டாலின்,’’ என்று கூறி சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’அடேய் அறிவார்ந்த ஐடி விங் ….
சென்னையில் மழை வெளுத்து வாங்க நான்கு மணி வரை தலைமறைவாக இருந்த துணை முதலமைச்சர் தன் தோழி பிறந்த நாளை முன்னிட்டு லக்கி பாஸ்கர் படத்திற்கு சென்றிருக்கிறார்.’’ என்று கேப்ஷன் எழுதப்பட்டுள்ளது. 

இதனுடன் News தமிழ் 24×7 ஊடகத்தின் லோகோவுடன் கூடிய நியூஸ் கார்டு ஒன்றும் இணைக்கப்பட்டுள்ளது. அதில், ‘’துல்கர் சல்மானை பாராட்டிய உதயநிதி. நேற்று லக்கி பாஸ்கர் படத்தை பார்க்க நேரம் கிடைத்தது. படமும், துல்கரின் நடிப்பும் சிறப்பாக இருப்பதாக துணை முதல்வர் உதயநிதி பாராட்டு,’’ என்று எழுதப்பட்டுள்ளது.  

Claim Link 1 l Claim Link 2   

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்து வருகின்றனர். 

உண்மை அறிவோம்: 

ஃபெஞ்சல் புயல் காரணமாக, புதுச்சேரி மற்றும் வட தமிழக மாவட்டங்கள் பெரிதும் பாதிக்கப்பட்டுள்ளன. இந்த சூழலில் துணை முதலமைச்சர் உதயநிதி ஸ்டாலின், நிவாரணப் பணி மேற்கொள்ளாமல் லக்கி பாஸ்கர் படம் பார்த்துவிட்டு, பொழுது போக்குவதாகக் குறிப்பிட்டு, மேற்கண்ட நியூஸ் கார்டை எதிர்க்கட்சியினர் பலரும் ஷேர் செய்து வருகின்றனர். 

எனவே, நாம் ஆய்வுக்கு எடுத்துக் கொண்ட தகவல் உண்மையா, என்று விவரம் தேடினோம். இதன்பேரில் திமுக ஐடி பிரிவு மற்றும் News Tamil 24×7 டிவி ஆசிரியர் குழு ஆகியோரிடம் கேட்டபோது, ‘’இது போலியான செய்தி’’ என்று தெரிவித்தனர். 

எனவே, நாம் ஆய்வுக்கு எடுத்துக் கொண்ட நியூஸ் கார்டு போலியானது, என்று சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram