RAPID FACT CHECK: இந்த வருடத்தின் வெள்ளிக்கிழமை சிறப்பு என்று பகிரப்படும் வதந்தி!

இந்த ஆண்டின் வெள்ளிக்கிழமையின் சிறப்பு என்று ஒரு பதிவு சமூக ஊடகங்களில் வைரலாக பகிரப்பட்டு வருகிறது. அது பற்றி ஆய்வு செய்தோம்.

தகவலின் விவரம்:

உண்மைப் பதிவைக் காண: Facebook I Archive

இந்த ஆண்டு ஜனவரி மாதம் 1ம் தேதி வெள்ளிக்கிழமை வந்தது, அதே போன்று பிப்ரவரி 2 வெள்ளிக்கிழமை வருகிறது, மார்ச் மாதம் 3ம் தேதி வெள்ளிக்கிழமை வருகிறது, இப்படி டிசம்பர் மாதம் 12ம் தேதி வெள்ளிக்கிழமை வருகிறது என்று ஒரு பதிவு சமூக ஊடகங்களில் வைரலாக பகிரப்பட்டு வருகிறது.

ஃபேஸ்புக்கில் Suresh என்ற ஐடி கொண்டவர் இதை 2021 ஜனவரி 27ம் தேதி பதிவிட்டுள்ளார். இவரைப் போல பலரும் பகிர்ந்து வருகின்றனர்.

உண்மை அறிவோம்:

சில வாரங்களுக்கு முன்பு பிப்ரவரி மாதத்தில் ஒவ்வொரு கிழமையும் சரி சமமாக ஐந்து நாட்களாக வருகிறது. 823 ஆண்டுகளுக்கு ஒரு முறை இப்படி நடக்கும் அதிசயம் என்று குறிப்பிட்டு வதந்தி பரப்பினர். அது பற்றி நம்முடைய ஃபேக்ட் கிரஸண்டோவில் கட்டுரை வெளியிட்டிருந்தோம்.

இந்த சூழலில் தற்போது ஜனவரி மாதம் 1ம் தேதி வெள்ளிக்கிழமை வந்தது. பிப்ரவரி மாதம் 2ம் தேதி வெள்ளிக்கிழமையில் வருகிறது. மார்ச் மாதம் 3ம் தேதி வெள்ளிக்கிழமை வருகிறது. இப்படி டிசம்பர் வரையில் எல்லாமே வெள்ளிக்கிழமையில்தான் வருகிறது என்று வதந்தி பரப்பி வருகின்றனர்.

இந்த புகைப்படத்தைப் பரப்புகிறவர்கள் வீட்டில் உள்ள நாட்காட்டியை பார்க்க முடியாவிட்டாலும், கொஞ்சம் தங்கள் மொபைல் போன் அல்லது கம்ப்யூட்டரில் உள்ள நாட்காட்டியைச் சரி பார்த்திருந்தாலே இந்த தவறு நிகழ்ந்திருக்காது. எதையும் சரி பார்க்காமல், வாட்ஸ் அப், ஃபேஸ்புக்கில் வந்தால் உண்மையாகத்தான் இருக்கும் என்ற அடிப்படையில் பரப்பி வருகின்றனர்.

2022ம் ஆண்டு 1ம் தேதி சனிக்கிழமை வந்தது. பிப்ரவரி 2ம் தேதி புதன் கிழமை வருகிறது. மார்ச் 3ம் தேதி வியாழக்கிழமையும், ஏப்ரல் 4ம் தேதி திங்கட்கிழமையும் வருகிறது. மே 5ம் தேதி வியாழக்கிழமையும் ஜூன் 6ம் தேதி திங்கட்கிழமையும் ஜூலை 7ம் தேதி வியாழக்கிழமையும் ஆகஸ்ட் 8ம் தேதி திங்கட்கிழமையும் செப்டம்பர் 9ம் தேதி வெள்ளிக்கிழமையும் அக்டோபர் 10ம் தேதி திங்கட்கிழமையும் நவம்பர் 11ம் தேதி வெள்ளிக்கிழமையும் டிசம்பர் 12ம் தேதி திங்கட்கிழமையும் வருகிறது.

இதில் செப்டம்பர் மற்றும் நவம்பர் மாதங்கள் தவிர்த்து மற்ற மாதங்களில் குறிப்பிட்ட அந்த நாட்கள் வெள்ளிக்கிழமையில் வரவில்லை. இதன் மூலம் இந்த பதிவு தவறானது என்பது தெளிவாகிறது.

முடிவு:

2022 ஆண்டின் வெள்ளிக்கிழமை சிறப்பு என்று பகிரப்படும் பதிவு தவறானது என்பதை ஃபேக்ட் கிரஸண்டோ தமிழ் உறுதி செய்துள்ளது. எனவே, நமது வாசகர்கள், இத்தகைய தவறான செய்தி, புகைப்படங்கள், வீடியோ போன்றவற்றை உறுதி செய்யாமல் மற்றவர்களுக்குப் பகிர வேண்டாம் என கேட்டுக் கொள்கிறோம். வாசகர்கள் தங்களுக்கு சந்தேகம் என்று தோன்றும் தகவல், பதிவு, புகைப்படம், வீடியோவை எங்களது வாட்ஸ் ஆப் எண்ணிற்கு (+91 9049053770) அனுப்பினால், அதுபற்றி ஆய்வு செய்து உண்மை விவரத்தை வெளியிடுகிறோம்.

சமூக ஊடகங்களில் எங்களை பின் தொடர விரும்பினால்…

Facebook I Twitter I Google News Channel