‘எம்.எல்.ஏ மன்சூர் முகமது திமிரைப் பாருங்கள்’ என்று பரவும் தகவல் உண்மையா?

‘’எம்.எல்.ஏ மன்சூர் முகமது திமிரைப் பாருங்கள்’’, என்று கூறி, சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’ எம்.எல்.ஏ மன்சூர் முகமது  திமிரைப் பாருங்கள். போலீஸின் நிலைமையே இப்படி இருக்கும் போது, பொதுமக்களின் கதி என்னவாகும்…இந்த வீடியோவை இந்தியா முழுவதும் காணும் வகையில் பகிரவும்.*’’ என்று எழுதப்பட்டுள்ளது. 

Claim Link 1 l Claim Link 2  

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்து வருகின்றனர். 

உண்மை அறிவோம்:

மேற்கண்ட செய்தி உண்மையா என்று நாம் ஆய்வு மேற்கொண்டோம். அப்போது, இது கடந்த 2018ம் ஆண்டு நடைபெற்ற வேறொரு சம்பவம் என்று தெரியவந்தது. 

ANI UP/Uttarakhand X Post

இதன்படி, கடந்த 2018ம் ஆண்டு உத்தரப் பிரதேச மாநிலம், மீரட்டைச் சேர்ந்த பாஜக முன்னாள் கவுன்சிலர் Manish Chaudhary தனது ஓட்டலுக்கு சாப்பிட வந்த போலீஸ் ஒருவரை தாக்கியுள்ளார். இதன்பேரில் அவர் மீது அப்போதே வழக்குப் பதிந்து, கைது செய்யப்பட்டார். 

India TV News l Times of India

இதன் பின்னர் ஜாமீனில் வெளிவந்த Manish Chaudhary, தன்னைத் தானே துப்பாக்கியால் சுட்டுக் கொண்டு இறந்துவிட்டதாக, செய்தி ஆதாரங்கள் கிடைத்தன. 

Times of India

இதன்மூலமாக, மேற்கண்ட வீடியோவில் குற்றம்சாட்டப்படும் நபர் முஸ்லீம் அல்ல; இந்துதான். அவர் தனது செயலுக்காக 2018ம் ஆண்டே கைது செய்யப்பட்டார். பிறகு, 2021ம் ஆண்டு அவர் தற்கொலை செய்துகொண்டார் என்றும் தெரியவருகிறது. உயிருடன் இல்லாத நபர் பற்றி இத்தனை ஆண்டுகள் கடந்தும், சமூக வலைதளங்களில் வதந்தி பரவுவது வேதனை அளிப்பதாக உள்ளது. 

மேலும், கடந்த 2019ம் ஆண்டு இதே வீடியோ, ‘’போலீஸ் அதிகாரியை அடித்த பாஜக எம்எல்ஏ அனில் உபாத்யாய்,’’ என்று குறிப்பிட்டு, சமூக வலைதளங்களில் பரவியது. அப்போது, நாமும் இதுபற்றி ஃபேக்ட்செக் செய்திருந்தது இங்கே குறிப்பிடத்தக்கது. 

எனவே, நாம் ஆய்வுக்கு எடுத்துக் கொண்ட செய்தி, தவறான ஒன்று, என சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter Page I Google News Channel I Instagram