மம்தா பானர்ஜி மேற்கு வங்கத்தில் ஆர்.எஸ்.எஸ். நடத்தும் 125 பள்ளிகளை மூட உத்தரவிட்டாரா?

மேற்கு வங்கத்தில் ஆர்எஸ்எஸ் சார்பில் நடத்தப்படும் 125 பள்ளிகளை மூட உத்தரவிட்ட மம்தா பானர்ஜி, என்று கூறி சமூக வலைதளங்களில் பகிரப்பட்டு வரும் செய்தி ஒன்றை பற்றி ஆய்வு மேற்கொண்டோம்.

தகவலின் விவரம்:

இதனை வாசகர் ஒருவர் +91 9049044263 என்ற நமது வாட்ஸ்ஆப் எண்ணிற்கு அனுப்பி உண்மையா என சந்தேகம் கேட்டிருந்தார்.

இதன்பேரில் தகவல் தேடியபோது, ஃபேஸ்புக், ட்விட்டர் உள்ளிட்டவற்றில் பலரும் ஷேர் செய்வதைக் கண்டோம்.

Facebook Claim Link I Archived Link

இது தற்போது வெளியான அறிவிப்பு போலவும், தமிழ்நாட்டில் இப்படி அதிரடி காட்டாமல் திமுக அரசு ஆர்எஸ்எஸ் செயல்பாடுகளை ஊக்குவித்து வருவதாகவும் குறிப்பிட்டு சிலர் கமெண்ட் பகிர்வதையும் கண்டோம்.

உண்மை அறிவோம்:
குறிப்பிட்ட தகவல் உண்மையானதுதான் என்றாலும், இது தற்போது வெளியான செய்தி அல்ல. கடந்த 22.02.2018 அன்று News 18 Tamil ஊடகம் வெளியிட்ட செய்தியை எடுத்து, தற்போது பகிர்ந்து வருகின்றனர்.

News 18 TamilNadu Tweet Link I Archived Link

இதுதொடர்பாக இதர ஊடகங்களிலும் வெளியான செய்திகளை கீழே ஆதாரத்திற்காக இணைத்துள்ளோம்.

OneIndia Tamil Link I LiveMint Link  

எனவே, 2018ல் வெளியான செய்தியை எடுத்து, தற்போது நிகழ்ந்ததுபோல தமிழ்நாட்டில் நடக்கும் திமுக ஆட்சியுடன் தொடர்புபடுத்தி பகிர்ந்துள்ளனர், என்று சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.

எங்களது சமூக வலைதள பக்கங்களை பின்தொடர…

Facebook Page I Twitter Page I Google News Channel I Instagram