எகிப்து சென்ற பிரதமர் நரேந்திர மோடி, அங்குள்ள மசூதிக்கு சென்ற போது தலையில் இஸ்லாமியர்கள் அணிவது போன்ற தொப்பி அணிந்திருந்ததாக ஒரு புகைப்படம் சமூக ஊடகங்களில் பகிரப்பட்டு வருகிறது. அது பற்றி ஆய்வு செய்தோம்.
தகவலின் விவரம்:
உண்மைப் பதிவைக் காண: Facebook I Archive
பிரதமர் மோடி தலையில் இஸ்லாமியர்கள் அணியும் தொப்பி அணிந்திருக்கும் புகைப்படம் பகிரப்பட்டுள்ளது. நிலைத் தகவலில், “சங்கிகள் வரிசையில் வரவும்… எகிப்தில் இந்துத்துவா மோடி முஹம்மது மோடியாக மாறிய தருணம்” என்று குறிப்பிடப்பட்டுள்ளது. இந்த பதிவை M.H. Nowsath Rahman என்ற ஃபேஸ்புக் ஐடி கொண்டவர் 2023 ஜூன் 26ம் தேதி பதிவிட்டுள்ளார். இவரைப் போல பலரும் இந்த படத்தைப் பதிவிட்டு வருகின்றனர்.
உண்மை அறிவோம்:
சமீபத்தில் எகிப்து சென்ற பிரதமர், அங்கு இஸ்லாமியர்கள் அணியும் தொப்பியை அணிந்திருந்தார் என்று சமூக ஊடகங்களில் பதிவிட்டு வருகின்றனர். ஆனால், பிரதமர் நரேந்திர மோடி அப்படி தொப்பி அணிந்தது போன்று எந்த செய்தி வீடியோவிலும் காணவில்லை. எனவே, இந்த புகைப்படம் தொடர்பாக ஆய்வு செய்தோம்.
புகைப்படத்தை கூகுள் ரிவர்ஸ் இமேஜ் தேடலில் பதிவேற்றித் தேடினோம். அப்போது கடந்த பிப்ரவரி மாதம் மும்பையில் நடந்த நிகழ்ச்சியின் போது இந்த புகைப்படம் எடுக்கப்பட்டதாக செய்தி நிறுவனம் வெளியிட்டிருந்த புகைப்படத்துடன் கூடிய செய்தி நமக்குக் கிடைத்தது. அதில் மோடி தொப்பி அணிந்திருக்கவில்லை. அதன் அடிப்படையில் தொடர்ந்து தேடினோம்.
நம்முடைய தேடலில், பிரதமர் நரேந்திர மோடி 2023 பிப்ரவரி மாதம் 10ம் தேதி பிரதமர் நரேந்திர மோடி இந்த புகைப்படத்தை வெளியிட்டிருப்பது தெரிந்தது. மும்பையில் உள்ள அல்ஜமியா-துஸ்-சைஃபியாவின் புதிய வளாகத்தைத் திறந்து வைத்த போது இந்த புகைப்படம் எடுக்கப்பட்டது என்பது தெரிந்தது.
இதன் மூலம் இந்த புகைப்படம் எகிப்தில் எடுக்கப்பட்டது இல்லை என்பதும், புகைப்படம் எடுக்கும் போத அவர் தொப்பி அணிந்திருக்கவில்லை என்பதும் உறுதியானது. பிரதமர் நரேந்திர மோடி மும்பையில் நடந்த நிகழ்ச்சியில் பங்கேற்ற படத்தை எடுத்து எடிட் செய்து, இஸ்லாமியர்கள் அணிவது போன்ற குல்லாவை அணிந்தார் என்று தவறாகப் பகிர்ந்திருப்பது இதன் மூலம் உறுதியாகிறது.
முடிவு:
எகிப்து சென்ற பிரதமர் நரேந்திர மோடி, இஸ்லாமியர்கள் அணிவது போன்ற தொப்பியை அணிந்திருந்தார் என்று பரவும் புகைப்படம் எடிட் செய்யப்பட்டது என்பதை தகுந்த ஆதாரங்கள் அடிப்படையில் ஃபேக்ட் கிரஸண்டோ தமிழ் உறுதி செய்துள்ளது. எனவே, நமது வாசகர்கள், இத்தகைய தவறான செய்தி, புகைப்படங்கள், வீடியோ போன்றவற்றை உறுதி செய்யாமல் மற்றவர்களுக்குப் பகிர வேண்டாம் என கேட்டுக் கொள்கிறோம். வாசகர்கள் தங்களுக்கு சந்தேகம் என்று தோன்றும் தகவல், பதிவு, புகைப்படம், வீடியோவை எங்களது வாட்ஸ் ஆப் எண்ணிற்கு (+91 9049053770) அனுப்பினால், அதுபற்றி ஆய்வு செய்து உண்மை விவரத்தை வெளியிடுகிறோம்.
சமூக ஊடகங்களில் எங்களை பின் தொடர விரும்பினால்…
Facebook I Twitter I Google News Channel
Title:எகிப்தில் குல்லா அணிந்த நரேந்திர மோடி என்று பரவும் புகைப்படம் உண்மையா?
Written By: Chendur PandianResult: Altered
