திமுக கூட்டணி கட்சிகளின் தொகுதி பங்கீடு என்று பரவும் நியூஸ் கார்டு உண்மையா?

‘‘திமுக கூட்டணி கட்சிகளின் தொகுதி பங்கீடு விவரம்,’’ என்று கூறி, சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம்.

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர்.

இதில், ‘’ தி.மு.க கூட்டணி கட்சிகள் விவரம். திமுக 184, காங். 15, வி.சி.க 10, ம.தி.மு.க 3, இந்திய கம்யூ., 3, மா.கம்யூ., 3, ஐ.யூ.எம்.எல் 1, ம.ம.க 1, த.வா.க 1, ம.வி.க 1, ஆ.த.பே. 1, கொ.ம.தே.க 1, மய்யம் 10. தொகுதிகள் 234,’’ என்று எழுதப்பட்டுள்ளது.

Claim Link

சன் நியூஸ் லோகோ உள்ளதால், பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது.

உண்மை அறிவோம்:

மேற்கண்ட நியூஸ் கார்டு உண்மையா என்று நாம் ஆய்வு மேற்கொண்டோம். அப்போது, இது எடிட் செய்யப்பட்டது, என்று தெரியவந்தது.

ஆம், கடந்த 2021ம் ஆண்டு சட்டமன்ற தேர்தலை முன்னிட்டு, தி.மு.க கூட்டணியில் உள்ள கட்சிகளுக்கு ஒதுக்கப்பட்ட தொகுதிகள் பற்றி, சன் நியூஸ் ஒரு செய்தி வெளியிட்டது. அதனை எடுத்து, எடிட் செய்து, 2026ம் ஆண்டு தேர்தலுக்கான தி.மு.க தொகுதி பங்கீடு என்று கூறி, தவறான தகவல் பரப்புகிறார்கள்.

தற்சமயம் இதுபோன்ற எந்த செய்தியும், சன் நியூஸ் வெளியிடவில்லை. கூடுதல் ஆதாரத்திற்காக, சன் நியூஸ் மற்றும் தி.மு.க ஐடி பிரிவு தரப்பிலும் பேசி, உறுதிப்படுத்தியுள்ளோம்.

எனவே, நாம் ஆய்வுக்கு எடுத்துக் கொண்ட நியூஸ் கார்டு எடிட் செய்யப்பட்ட ஒன்று, என சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.