நீச்சல் உடையில் ஜோதிகா என்று பரவும் புகைப்படம் உண்மையா?

நடிகை ஜோதிகா நீச்சல் உடையில் இருப்பது போன்று ஒரு புகைப்படம் சமூக ஊடகங்களில் பகிரப்பட்டு வருகிறது. இது தொடர்பாக ஆய்வு செய்தோம்.

தகவலின் விவரம்:

உண்மைப் பதிவைக் காண: Facebook I Archive

நீச்சல் உடையில் நடிகை ஜோதிகா இருப்பது போன்ற புகைப்படம் ஃபேஸ்புக்கில் பதிவிடப்பட்டுள்ளது. நிலைத் தகவலில், “இந்த விசயம் செல்தட்டி சவகுமார் கு தெரிஞ்சா தூக்குல தொங்கிடுவானே த்தா… இன்னைக்கு ஊருக்குள்ள ஒரு சாவு கன்பார்ம் டா” என்று குறிப்பிடப்பட்டிருந்தது. இந்த பதிவை பலரும் சமூக ஊடகங்களில் வைரலாக பதிவிட்டு வருகின்றனர்.

உண்மை அறிவோம்:

பல ஆண்டுகளுக்கு முன்பு விருது விழா ஒன்றில் கோவிலுக்கு செலவு செய்கிறோம் அது போல அரசு பள்ளி, மருத்துவமனைகளுக்கும் உதவி செய்வோம் என்பது போல நடிகை ஜோதிகா பேசியிருந்தார். அதைத் தொடர்ந்து கோவிலுக்கு நிதி அளிக்க வேண்டாம் என்று ஜோதிகா பேசிவிட்டார் என்று அவர் மீது வன்மம் பரப்பப்பட்டு வருகிறது. தற்போது அவர் நீச்சல் உடையில் இருப்பது போன்ற புகைப்படத்தைப் பலரும் சமூக ஊடகங்களில் பதிவிட்டு வருகின்றனர். இது உண்மையா என்று அறிய ஆய்வு செய்தோம்.

உண்மைப் பதிவைக் காண: Instagram I Archive

நடிகை ஜோதிகா நீச்சல் உடையில் இருப்பது போன்று பதிவு ஏதும் வெளியிட்டுள்ளாரா என்று அறிய அவரது இன்ஸ்டாகிராம் பக்கத்தைப் பார்த்தோம். 2025 ஜூன் 28ம் தேதி சீஷெல்ஸ்க்கு (Seychelles) சுற்றுலா சென்றது தொடர்பாக பதிவு ஒன்றை வெளியிட்டிருந்தார். அதில் நாம் ஆய்வுக்கு எடுத்துக்கொண்ட பதிவில் உள்ளது போன்று காட்சி வந்தது. ஆனால், அதில் ஜோதிகா நீச்சல் உடையில் இல்லை. இந்த புகைப்படத்தை எடிட் செய்து அவர் நீச்சல் உடையில் இருப்பது போன்று மாற்றிப் பதிவிட்டிருப்பது தெளிவாகிறது.

முடிவு:

நீச்சல் உடையில் போஸ் கொடுத்த நடிகை ஜோதிகா என்று பரவும் புகைப்படம் எடிட் செய்யப்பட்டது என்பதை தகுந்த ஆதாரங்கள் அடிப்படையில் ஃபேக்ட் கிரஸண்டோ தமிழ் உறுதி செய்துள்ளது. எனவே, நமது வாசகர்கள், இத்தகைய தவறான செய்தி, புகைப்படங்கள், வீடியோ போன்றவற்றை உறுதி செய்யாமல் மற்றவர்களுக்குப் பகிர வேண்டாம் என கேட்டுக் கொள்கிறோம். வாசகர்கள் தங்களுக்கு சந்தேகம் என்று தோன்றும் தகவல், பதிவு, புகைப்படம், வீடியோவை எங்களது வாட்ஸ் ஆப் எண்ணிற்கு (+91 9049053770) அனுப்பினால், அதுபற்றி ஆய்வு செய்து உண்மை விவரத்தை வெளியிடுகிறோம்.