திமுகவில் இணைந்த அன்வர் ராஜாவுக்கு இன்பநிதி பாசறையில் பதவி வழங்கப்பட்டுள்ளதா?

‘’அன்வர் ராஜாவுக்கு திமுகவில் இளந்தென்றல் இன்பநிதி பாசறையின் மாநில ஒருங்கிணைப்பாளர் பதவி வழங்கப்பட்டுள்ளது,’’ என்று கூறி, சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’ அன்வர் ராஜாவுக்கு திமுகவில் புதிய பதவி. அதிமுகவில் இருந்து நீக்கப்பட்ட பின் திமுகவில் இணைந்த முன்னாள் எம்.பி அன்வர் ராஜாவுக்கு திமுகவில் இளந்தென்றல் இன்பநிதி பாசறையின் மாநில ஒருங்கிணைப்பாளர் பதவி வழங்கப்பட்டுள்ளது,’’ என்று எழுதப்பட்டுள்ளது.  

Claim Link 1 l Claim Link 2  

News18 TamiNadu லோகோ உள்ளதால், பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்து வருகின்றனர். 

உண்மை அறிவோம்:

பெரும் எதிர்பார்ப்புக்கு இடையே அதிமுக மூத்த தலைவர் அன்வர் ராஜா, அக்கட்சியில் இருந்து விலகி, திமுக.,வில் இணைந்தார். இந்த செய்தி தமிழக அரசியல் வட்டாரத்தில் சலசலப்பை ஏற்படுத்தியுள்ளது. 

India Today l The New Indian Express l News18 Tamil 

இத்தகைய சூழலில், நியூஸ் 18 தமிழ்நாடு பெயரில் மேற்கண்ட வகையில் சிலர், இன்பநிதி பாசறையில் அன்வர் ராஜாவுக்கு பதவி வழங்கப்பட்டதாகக் கூறி, சமூக வலைதளங்களில் தகவல் பகிர்ந்து வருகின்றனர். ஆனால், இது உண்மையான நியூஸ் கார்டு கிடையாது. இதுபற்றி, நியூஸ் 18 தமிழ்நாடு ஆசிரியர் குழுவை தொடர்பு கொண்டு கேட்டபோது, ‘’இது எங்களது பெயரில் பகிரப்படும் வதந்தி. நாங்கள் இவ்வாறு எந்த செய்தியும் வெளியிடவில்லை’’, என்று தெரிவித்தனர். 

எனவே, நாம் ஆய்வுக்கு எடுத்துக் கொண்ட நியூஸ்கார்டு, உண்மையானதல்ல, என்று சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram