பாகிஸ்தான் மீது இந்திய ராணுவ வீரர்கள் தாக்குதல் என்று பரவும் வீடியோ தற்போது எடுக்கப்பட்டதா?

‘’பாகிஸ்தான் எல்லை கட்டுப்பாட்டு கோட்டில் இருந்து நமது இந்திய ராணுவ வீரர்கள் தாக்குதல்’’, என்று கூறி, சமூக வலைதளங்களில் பகிரப்படும் ஒரு வீடியோ பற்றி ஆய்வு மேற்கொண்டோம்.

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர்.

இதில், ‘’ LOC பாக்கிஸ்தான் எல்லை கட்டுப்பாட்டு கோட்டில் இருந்து நமது இராணுவ வீரர்கள் தாக்குதலை தொடுத்து இருக்கிறார்கள் 🔥🔥

POK காஸ்மீரை மீட்டு எடுக்க வேண்டும்..

பாக்கிஸ்தான் இராணுவதுடன் யூத்தம் ஆரம்பம் ஆகிவிட்டது 🚩,’’ என்று எழுதப்பட்டுள்ளது.

இதனுடன் இந்திய ராணுவம் குண்டு வீசுவது போன்ற காட்சிகளுடன் கூடிய வீடியோ ஒன்றும் இணைக்கப்பட்டுள்ளது.

Claim Link 1 l Claim Link 2 l Claim Link 3

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்து வருகின்றனர்.

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். அப்போது, இந்த வீடியோ தற்போது எடுக்கப்பட்டதல்ல, என்று தெரியவந்தது.

இதன்படி, Republic ஊடகம் நாம் ஆய்வுக்கு எடுத்துக் கொண்ட வீடியோவை கடந்த 2020ம் ஆண்டு ஜூன் மாதம் பகிர்ந்திருந்தது. ஜம்மு காஷ்மீரில் உள்ள Poonch என்ற பகுதியில் போர் நிறுத்த ஒப்பந்தத்தை மீறிய பாகிஸ்தானுக்கு, இந்திய ராணுவம் பதிலடி கொடுத்தது, என்று Republic வெளியிட்ட செய்தியில் குறிப்பிடப்பட்டிருந்தது.

முழு வீடியோ கீழே தரப்பட்டுள்ளது.

இதே சம்பவத்தை மையப்படுத்தி, மேலும் சில ஊடகங்கள் அப்போதே செய்தி வெளியிட்டிருந்ததையும் கண்டோம்.

ANI News l Deccan Herald

அதேசமயம், குறிப்பிட்ட வீடியோ ‘இந்தியா ராணுவத்தின் சிறப்பு’ என்று குறிப்பிட்டு, ஃபேஸ்புக் போன்ற சமூக வலைதளங்களில், 2020ம் ஆண்டுக்கு முன்பிருந்தே பகிரப்பட்டு வருவதையும் காண முடிகிறது.

Link 1 l Link 2

இவற்றின் மூலமாக, சமூக வலைதளங்களில் பகிரப்படும் பழைய வீடியோ ஒன்றை எடுத்து, தற்போது பாகிஸ்தான் மீது இந்தியா தாக்குதல் நடத்துவதாகக் குறிப்பிட்டு, வதந்தி பரப்புகிறார்கள், என்று சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.