உலக நாடுகளின் கம்யூனிஸ்ட் கட்சி உறுப்பினர்கள் அமெரிக்காவில் குடியேற தடையா?

‘’அமெரிக்காவில் குடியேற உலக நாடுகளின் கம்யூனிஸ்ட் கட்சி உறுப்பினர்களுக்கு தடை,’’ என்று குறிப்பிட்டு சமூக வலைதளங்களில் பகிரப்படும் செய்தி ஒன்றை காண நேரிட்டது. இதன் நம்பகத்தன்மை பற்றி ஆய்வு மேற்கொண்டோம்.

தகவலின் விவரம்:

இதனை வாசகர்கள் சிலர் +91 9049053770 மற்றும் +91 9049044263 ஆகிய நமது வாட்ஸ்ஆப் எண்களுக்கு அனுப்பி, உண்மையா என சந்தேகம் கேட்டிருந்தனர்.

ஃபேஸ்புக் போன்ற சமூக வலைதளங்களிலும் பலர் இதனை உண்மை போல குறிப்பிட்டு ஷேர் செய்வதைக் கண்டோம்.

Facebook Claim Link I Archived Link

உண்மை அறிவோம்:
கடந்த 2020ம் ஆண்டு அப்போதைய அதிபர் டிரம்ப் ஆட்சிக்காலத்தின்போது இத்தகைய அறிவிப்பு வெளியிடப்பட்டிருந்தது. இதுபற்றி ஊடகங்கள் அப்போதே பரபரப்பாகச் செய்தி வெளியிட்டிருந்தன.

Archived Link

இதேபோல தந்திடிவியும் செய்தி வெளியிட்டது.

Thanthi Article Link

இந்த செய்தியை எடுத்து, புதியதுபோல 2022ம் ஆண்டு நடைபெறும் தற்போதைய சூழலில் சிலர் சமூக வலைதளங்களில் பகிர்ந்து வருகின்றனர். உண்மையில், அமெரிக்கா விதித்த தடை சீனா நாட்டினருக்கும், மேலும் சில நாடுகளைச் சேர்ந்த (அமெரிக்க பாதுகாப்புக்கு அச்சுறுத்தல் என அந்நாடு நினைக்கும்) கம்யூனிஸ்ட் கட்சியினருக்கும் மட்டுமே பொருந்தும்.

இதுதொடர்பாக, நமது மலையாளம் மொழிப் பிரிவினர் அமெரிக்க வெளியுறவுத் துறையிடம் பேசி உறுதிப்படுத்தியுள்ளனர்.

அமெரிக்காவின் பாதுகாப்பிற்கு அச்சுறுத்தல் என கருதப்படும் எந்த கட்சி, எந்த நபரும் அந்நாட்டில் குடியேற தடை விதிக்கப்படும். இதில், கம்யூனிஸ்ட் கட்சிகள் மட்டுமல்ல, மற்ற அரசியல் கட்சிகள், அமைப்புகளும் அடங்கும்.

USCIS.GOV Link

இந்த அறிவிப்பு வெளியான அதே ஆண்டில், நேபாளம் போன்ற சில நாடுகளைச் சேர்ந்த கம்யூனிஸ்ட் கட்சி உறுப்பினர்கள், தலைவர்கள் அமெரிக்க விசா பெறுவதற்கு தயக்கம் தெரிவித்தனர். அப்போது, அமெரிக்க அரசு தரப்பில் தெளிவான விளக்கம் அளிக்கப்பட்டது. ‘’கம்யூனிஸ்ட் கட்சியில் உறுப்பினராக இருந்தால் மட்டுமே ஒருவர் அமெரிக்காவில் நுழைய அனுமதிக்கப்பட மாட்டார் என்று ஊடகங்களில் வெளியாகும் செய்தியை நம்ப வேண்டாம். தனிநபரின் செயல்பாடுகள், கடந்த கால நடவடிக்கைகளின் அடிப்படையில்தான் இந்த விசா பரிசீலனைகள் நடைபெறும்,’’ என்று, அப்போது அமெரிக்க அரசு வெளியிட்ட செய்திக்குறிப்பில் சுட்டிக்காட்டப்பட்டது.

US Embassy in Nepal Clarification

எனவே, அமெரிக்கா வெளியிட்ட குடியேற்றம் தொடர்பான மேற்கண்ட உத்தரவு, உலகம் முழுக்க செயல்படும் கம்யூனிஸ்ட் கட்சிகளின் உறுப்பினர்கள் அனைவருக்கும் பொருந்தாது என சந்தேகமின்றி உறுதி செய்யப்படுகிறது.

நமது மலையாளம் பிரிவினர் ஏற்கனவே இதுபற்றி வெளியிட்ட ஃபேக்ட்செக் கட்டுரைகளை படிக்க கீழே உள்ள இணைப்புகளை கிளிக் செய்யவும்.

Fact Crescendo Malayalam Article 1 l Article 2

இதேபோல, தமிழ் மொழியில் வெளியான மற்றொரு கட்டுரை லிங்க் ஒன்றும் கீழே தரப்பட்டுள்ளது.

Fact Crescendo Tamil Article Link

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.

எங்களது சமூக வலைதள பக்கங்களை பின்தொடர…

Facebook Page I Twitter Page I Google News Channel I Instagram