சேலம் அரசு மருத்துவமனையில் காவலர் அராஜகம் என்று பரவும் வீடியோ தற்போது எடுக்கப்பட்டதா?

‘’சேலம் அரசு மருத்துவமனையில் காவலர் அராஜகம்’’, என்று கூறி, சமூக வலைதளங்களில் பகிரப்படும் ஒரு வீடியோ பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’ சேலம் அரசு மருத்துவமனையில் #காவலராக பணி அமர்த்தப்பட்ட ரவுடியின் #அராஜகம்! காதில் கேட்க கூடாத வார்த்தைகள் இவனை வேலையை விட்டு தூக்கும் வரை பரப்புங்கள்,’’ என்று எழுதப்பட்டுள்ளது. இதனுடன் வீடியோ ஒன்றும் இணைக்கப்பட்டுள்ளது. அதில், மருத்துவமனை ஒன்றின் செக்யூரிட்டி பொதுமக்களிடம் தரக்குறைவாக பேசுவது போன்ற காட்சிகள் இடம்பெற்றுள்ளன. 

Claim Link 1 l Claim Link 2   

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்து வருகின்றனர். 

உண்மை அறிவோம்:

மேற்கண்ட வீடியோ உண்மையா என்று நாம் ஆய்வு மேற்கொண்டோம். அப்போது, இதற்கும், தற்போதைய திமுக ஆட்சிக்கும் எந்த தொடர்பும் இல்லை, என்று தெரியவந்தது. 

FB Post Link

ஆம், கடந்த 2019ம் ஆண்டு சேலம் அரசு மோகன் குமாரமங்கலம் மருத்துவக் கல்லூரி மருத்துவமனையில் பணியில் இருந்த தனியார் நிறுவன காவலர் ஒருவர், நோயாளியிடம் தரக்குறைவாக பேசியுள்ளார். இதுதொடர்பான வீடியோ சமூக வலைதளங்களில் பரவிய நிலையில் சம்பந்தப்பட்ட காவலர் அப்போதே பணிநீக்கம் செய்யப்பட்டுவிட்டார். இதுதொடர்பாக, தமிழ்நாடு அரசின் அதிகாரப்பூர்வ Factcheck குழு மறுப்பு தெரிவித்துள்ளது. 

TN Fact Check Link 

2019ம் ஆண்டு எடுக்கப்பட்ட வீடியோ, தற்போது மீண்டும் சமூக வலைதளங்களில் பரவி வருவதால், இதுபற்றி சேலம் அரசு மருத்துவக் கல்லூரி மருத்துவமனையின் டீன் தேவிமீனாள் விளக்கம் அளித்துள்ளார். கூடுதல் செய்தி ஆதாரம் கீழே இணைக்கப்பட்டுள்ளது. 

Dailythanthi Link l Dinakaran Link 

எனவே, 2019ம் ஆண்டு அதிமுக ஆட்சிக்காலத்தில் எடுக்கப்பட்ட வீடியோவை வேண்டுமென்றே தற்போது எடுத்து, திமுக பெயரில் சிலர் சமூக வலைதளங்களில் மறுபகிர்வு செய்து குழப்பம் ஏற்படுத்துவதாக, சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram