தலைமைத் தேர்தல் அதிகாரி ஞானேஷ் குமார் அமித்ஷாவின் காலில் விழுந்தாரா?

‘’தலைமைத் தேர்தல் அதிகாரி ஞானேஷ் குமார் அமித்ஷாவின் காலில் விழுந்தார்,’’ என்று கூறி, சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’ பீகார் தேர்தல் முடிவுகள் பற்றி விளக்கம் வேண்டுபவர்களுக்கு இந்த வீடியோவை பார்த்தால் அங்கு என்ன நடந்தது என்று புரியும்.
மத்திய உள்துறை அமைச்சர் அமித்ஷாவிடம் இந்தியாவின் முக்கிய தேர்தல் அதிகாரி கணேஷ் குமார் மண்டியிடும் வீடியோ…
#ElectionCommission #Bihar #biharelection2025,’’ என்று எழுதப்பட்டுள்ளது. 

Claim Link 1 l Claim Link 2 l Claim Link 3         

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது.

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். அப்போது, இதில் கூறப்படுவது போன்று ஞானேஷ் குமார், எங்கேயும் அமித் ஷா காலில் விழுந்ததாக, எந்த செய்தியும் காணக்கிடைக்கவில்லை. 

கடந்த 2023ம் ஆண்டு National Cooperative Organics Limited சார்பாக நடைபெற்ற நிகழ்ச்சியில், அமித் ஷா மற்றும் ஞானேஷ் குமார் இருவரும் பங்கேற்றனர்.

ஆனால், இதுதொடர்பான வீடியோவில் ஞானேஷ் குமார், அமித் ஷாவுக்கு பூங்கொத்து கொடுத்தும், பொன்னாடை போர்த்தியும், பரிசு வழங்கியும் கவுரவிக்கிறார். காலில் விழவில்லை. 

முழு வீடியோ லிங்க் இதோ…

இதன்படி, இணைய தளத்தில் கிடைக்கும் புகைப்படம் ஒன்றை எடுத்து, AI உதவியுடன் எடிட் செய்து, வதந்தி பரப்புகிறார்கள், என்று தெளிவாகிறது. 

நாம் ஆய்வுக்கு எடுத்துக் கொண்ட வீடியோ காட்சியை எடுத்து, wasitai மற்றும் sightengine, hivemoderation உதவியுடன் சரிபார்த்தோம். அதில், அமித் ஷா காலில் ஞானேஷ் விழுவது போன்ற காட்சி, AI மூலமாக, தயாரிக்கப்பட்டது, என்று தெரியவந்தது. 

எனவே, நாம் ஆய்வுக்கு எடுத்துக் கொண்ட வீடியோ, AI மூலமாக தயாரிக்கப்பட்ட ஒன்று, என சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter Page I Google News Channel I Instagram