பஞ்சாப் வெள்ளத்தில் அடித்துச் செல்லப்படும் எருமை மாடுகள் என்று பரவும் வீடியோ உண்மையா?

‘’ பஞ்சாப் வெள்ளத்தில் அடித்துச் செல்லப்படும் எருமை மாடுகள்,’’ என்று கூறி, சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’ பசுமாட்டை பாதுகாக்கிறோம் என்று முஸ்லிம்களை அடித்தே கொல்வார்கள் ஆரிய பார்ப்பன ஆர் எஸ் எஸ் காவி இந்துத்துவ தீவிரவாத கும்பல்…

எருமை மாட்டையோ மற்ற பசு மாட்டையோ வெள்ளத்தில் இருந்து காப்பாற்ற முன்வர மாட்டார்கள் அந்த சங்கிகள்…

பஞ்சாப் வெள்ளம்…,’’ என்று எழுதப்பட்டுள்ளது. 

Claim Link  

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது. 

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். அப்போது, இது உண்மையான வீடியோ கிடையாது என்றும், AI தொழில்நுட்பம் மூலமாக தயாரிக்கப்பட்ட வீடியோ என்றும், தெரியவந்தது. 

இதன்படி, கூகுள் ரிவர்ஸ் உதவியுடன் தகவல் தேடியபோது, @theaiworldofpakistan என்ற யூடியுப் சேனல் இந்த வீடியோவை முதன்முதலாக பகிர்ந்துள்ளதைக் கண்டோம். இதுபோன்றே வெள்ளத்தில் மாடுகள் தத்தளிக்கும் காட்சிகள் கொண்ட ஏராளமான வீடியோ குறிப்பிட்ட யூடியுப் சேனலில் வெளியிடப்பட்டுள்ளன. 

இதன்மூலமாக, யதார்த்த உலகிற்கு சாத்தியம் இல்லாத காட்சிகள் கொண்ட வீடியோக்களை AI உதவியுடன் தயாரித்து, மேற்கண்ட யூடியுப் சேனலில் பகிர்வது வழக்கம், என்று தெளிவாகிறது. இதில் ஒரு வீடியோவை எடுத்தே, வட இந்தியாவில் வெள்ளத்தில் சிக்கிய எருமை மாடுகளை பசு பாதுகாவலர்கள் மற்றும் ஆர்எஸ்எஸ் கண்டுகொள்ளவில்லை, என்று வதந்தி பரப்புகிறார்கள். 

இறுதியாக, Sightengine மற்றும் Hive Moderation போன்ற AI சரிபார்ப்பு இணையதளங்கள் மூலமாக நாம் ஆய்வு செய்யும் வீடியோ காட்சி உண்மையல்ல, என்பதை உறுதி செய்தோம். 

எனவே, நாம் ஆய்வுக்கு எடுத்துக் கொண்ட வீடியோ, AI தொழில்நுட்பம் மூலமாக தயாரிக்கப்பட்ட ஒன்று; உண்மையானதல்ல, என்று சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram