நடிகர் ரஜினிக்கு தவெக தலைவர் விஜய் நேரில் பிறந்தநாள் வாழ்த்து கூறினாரா?

‘’நடிகர் ரஜினிக்கு தவெக தலைவர் விஜய் நேரில் பிறந்தநாள் வாழ்த்து,’’ என்று கூறி சமூக வலைதளங்களில் பகிரப்படும் ஒரு நியூஸ்கார்டு பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’ நடிகர் ரஜினிக்கு தவெக தலைவர் விஜய் பிறந்தநாள் வாழ்த்து. பேரன்பிற்கும், மரியாதைக்கும் உரிய சூப்பர் ஸ்டார் ரஜினிகாந்த்க்கு இனிய பிறந்த நாள் வாழ்த்துகளைத் தெரிவித்துக் கொள்கிறேன். தாங்கள் நல்ல ஆரோக்கியத்துடன் நீடுழி வாழ இறைவனைப் பிரார்த்திக்கிறேன் – நடிகர் ரஜினிக்கு தவெக் தலைவர் விஜய் பிறந்த நாள் வாழ்த்து,’’ என்று எழுதப்பட்டுள்ளது. 

Claim Link 

புதிய தலைமுறை லோகோவுடன் உள்ளதால், பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்து வருகின்றனர். 

உண்மை அறிவோம்:

நடிகர் ரஜினிகாந்த், அவரது 74வது பிறந்த நாளை (12/12/2024) கொண்டாடுகிறார். இந்த சூழலில் அவருக்கு அரசியல் கட்சித் தலைவர்கள், தொழிலதிபர்கள், சினிமா பிரபலங்கள் என பலரும் பிறந்த நாள் வாழ்த்து தெரிவித்து வருகின்றனர். 

India Today l The Hindu l Hindustan Times

இந்த சூழலில், தவெக., தலைவர் விஜய், நடிகர் ரஜினிகாந்திற்கு பிறந்த நாள் வாழ்த்து கூறி, X வலைதள பக்கத்தில் பதிவு ஒன்றை வெளியிட்டிருந்தார். 

இதன்பேரில் புதிய தலைமுறை ஊடகம் ஒரு செய்தி வெளியிட்டது. 

ஆனால், இது உண்மையான புகைப்படம் அல்ல என்று தெரியவந்ததும், உடனடியாக, புதிய தலைமுறை ஊடகம், தனது சமூக வலைதள பக்கங்களில் இருந்து, குறிப்பிட்ட நியூஸ் கார்டை டெலீட் செய்துவிட்டது. கூடுதலாக, வேறொரு புகைப்படத்தை சேர்த்து, மீண்டும் புதிய பதிவை தங்களது சமூக வலைதள பக்கங்களில் பகிர்ந்துள்ளதாக, புதிய தலைமுறை ஆசிரியர் குழு தரப்பில் நமக்கு விளக்கம் கூறப்பட்டது.  

Link 1 l Link 2 

எனினும், இந்த உண்மை தெரியாமல், பலரும் இந்த நியூஸ் கார்டை சமூக வலைதளங்களில் ஷேர் செய்து வருகின்றனர். 

கடந்த 2022ம் ஆண்டு நடிகர் விஜய், ஐதராபாத் நகரில் திரைப்பட சூட்டிங் சென்றபோது, தெலுங்கானா முன்னாள் முதலமைச்சர் சந்திரசேகர ராவ் வீட்டிற்கு நேரில் சென்று, மரியாதை நிமித்தமாக சந்தித்து பேசினார். 

அப்போது எடுத்த புகைப்படத்தையே எடிட் செய்து, ரஜினியுடன் விஜய் நேரில் சந்தித்தது போன்று புதிய தலைமுறை உள்பட பலரும் வதந்தி பரப்புகிறார்கள். 

Times of India l Deccan Herald 

எனவே, நாம் ஆய்வுக்கு எடுத்துக் கொண்ட ரஜினியுடன் விஜய் சந்தித்த புகைப்படம் உண்மையானதல்ல என்று சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram