மேற்கு வங்கத்தில் கலவரம் செய்யும் இஸ்லாமிய பயங்கரவாதிகள் என்று பரவும் வீடியோ உண்மையா?

‘’மேற்கு வங்கத்தில் மிகப்பெரிய கலவரத்தை இஸ்லாமிய பயங்கரவாதிகள் நடத்திக்கொண்டு உள்ளனர்’’, என்று கூறி, சமூக வலைதளங்களில் பகிரப்படும் ஒரு வீடியோ பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’ மேற்கு வங்கத்தில் மிகப்பெரிய கலவரத்தை இஸ்லாமிய பயங்கரவாதிகள் நடத்திக்கொண்டு உள்ளனர். 

   உயிர் தப்பித்து வேறு பகுதிகளுக்கு  ஓடிய இந்துக்களின் வீடு மற்றும் தோட்டங்களை அடித்து நொறுக்கி நாசம் செய்கின்றனர். 

மணிப்பூர் கலவரம் பற்றி பேசிய தமிழக அரசியல்வாதிகள் முதல் தமிழக ஊடகங்கள் மேற்கு வங்க #முர்ஷிதாபாத்_கலவரம் பற்றி பேச மறுக்கின்றனர்.

கலவரம் செய்பவர்கள் இஸ்லாமியர்கள் என்றால் வாய்யை திறக்க அஞ்சுவது ஏன்.?.

#WestBengal #IslamicTerrorists #Murshidabad,’’ என்று எழுதப்பட்டுள்ளது. 

இதனுடன் முஸ்லீம்கள் கூட்டமாக, கைகளில் ஆயுதங்கள் ஏந்தி, கலவரம் செய்வது போன்ற காட்சிகள் கொண்ட வீடியோ ஒன்றும் இணைக்கப்பட்டுள்ளது. 

Claim Link 1 l Claim Link 2 

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்து வருகின்றனர். 

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். அப்போது, இது வேண்டுமென்றே மதக்கலவரம் ஏற்படுத்தும் நோக்கில் பகிரப்படும் வதந்தி, என்று தெரியவந்தது. 

ஆம், வங்கதேசத்தில் நிகழ்ந்த ஒரு வன்முறை தொடர்பான வீடியோவை எடுத்து, மேற்கு வங்கத்தில் நடந்தது போன்று வதந்தி பரப்புகிறார்கள். 

இதன்படி, வங்கதேசத்தில் உள்ள Murshidpur Darbar Sharif என்ற வழிபாட்டுத் தலம் மீது அதிருப்தி காரணமாக, உள்ளூர் மதரஸா தலைமையில் திரண்ட பொதுமக்கள் கலவரத்தில் ஈடுபட்டனர். இதுதொடர்பான வீடியோ ஒன்றையே எடுத்து, மேற்கு வங்கத்தில் நடந்தது போன்று தவறான தகவல் பரப்புகிறார்கள்.

கூடுதல் செய்தி ஆதாரம் இதோ…

The Daily Star l Dhaka Tribune l Bangla Affairs

எனவே, நாம் ஆய்வுக்கு எடுத்துக் கொண்ட தகவல் தவறானது, என்று சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter Page I Google News Channel I Instagram