‘ஐயப்பனை கேள்வி கேட்ட இசைவாணி’ என்று பகிரப்படும் தவறான புகைப்படத்தால் சர்ச்சை…

‘’ஐயப்பனை கேள்வி கேட்ட இசைவாணியின் புகைப்படம்,’’ என்று கூறி சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’ 🇮ஆள் யாருன்னு தெரியுதா ?
அதாங்க ஐய்யப்ப சாமிகிட்ட
கேள்வி கேட்டாளே ஒரு மிலேச்ச விபச்சாரி திருட்டு கிருத்தவ சிறுக்கி முண்டை
அவளேதான்…..’’ என்று எழுதப்பட்டுள்ளது. 

இதனுடன் பெண் ஒருவர் மது பாட்டிலுடன் இருப்பது போன்ற புகைப்படம் ஒன்றும் இணைக்கப்பட்டுள்ளது. 

Claim Link 1 l Claim Link 2 

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்து வருகின்றனர். 

உண்மை அறிவோம்:

கானா பாடகி இசைவாணி, சில ஆண்டுகளுக்கு முன் பாடிய I am sorry ஐயப்பா என்ற பாடல் சமீபத்தில் சமூக வலைதளங்களில் டிரெண்டாகி, பல்வேறு தரப்பிலும் சர்ச்சையை ஏற்படுத்தியது. 

Puthiyathalaimurai TV l IBC Tamil l Times of India

இந்த சூழலில், ஐயப்பனை கேள்வி கேட்ட பெண்ணின் உண்மை முகம் என்று கூறி ஃபேஸ்புக், ட்விட்டர் உள்ளிட்ட சமூக வலைதளங்களில் நாம் ஆய்வுக்கு எடுத்துக் கொண்ட புகைப்படம் பகிரப்படுகிறது. 

உண்மையில், இது இசைவாணியின் புகைப்படம் அல்ல; இதில் இருப்பவரின் பெயர் லுலு தேவ ஜம்லா கி. இதுபற்றி அவர் சம்பந்தப்பட்ட ஃபேஸ்புக் பதிவில் கமெண்ட் செய்தும், அந்த பதிவை அகற்றாமல் இன்றளவும் அப்படியே பரப்புகின்றனர். 

இதுதொடர்பாக, மீண்டும் ஒருமுறை விளக்கம் அளித்து, லுலு தேவ ஜம்லா கி அவரது ஃபேஸ்புக் பக்கத்தில் பதிவு வெளியிட்டுள்ளார். அதனையும் கீழே ஆதாரத்திற்காக இணைத்துள்ளோம். 

லுலு புகைப்படத்தையும், இசைவாணியின் புகைப்படத்தையும் ஒப்பீடு செய்து, கீழே இணைத்துள்ளோம். 

எனவே, நாம் ஆய்வுக்கு எடுத்துக் கொண்ட புகைப்படத்தில் இருப்பவர் இசைவாணி கிடையாது, என்று சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram