அதிமுகவிலிருந்து கடம்பூர் ராஜூ நீக்கப்பட்டாரா?

‘’ அதிமுகவிலிருந்து கடம்பூர் ராஜூ நீக்கப்பட்டார்,’’ என்று கூறி, சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம்.

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர்.

இதில், ‘’அதிமுகவிலிருந்து கடம்பூர் ராஜூ நீக்கம். 1999ல் பாஜக அரசை கவிழ்த்து வரலாற்று பிழை செய்தார் ஜெயலலிதா என்று பேசிய முன்னாள் அதிமுக அமைச்சர் கடம்பூர் ராஜூ அதிமுகவில் இருந்து நீக்கம். அதிமுக அறிக்கை வெளியீடு,’’ என்று எழுதப்பட்டுள்ளது.

Claim Link

புதிய தலைமுறை லோகோவுடன் உள்ளதால் பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது.

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். முதலில், நாம் இதுபற்றி புதிய தலைமுறை ஆசிரியர் குழுவை தொடர்புகொண்டு, விளக்கம் கேட்டோம். அப்போது, ‘’இதனை நாங்கள் வெளியிடவில்லை. இது எங்களது பெயரில் பகிரப்படும் போலியான நியூஸ் கார்டு,’’ என்று தெரிவித்தனர்.

கூடுதல் ஆதாரத்திற்காக, புதிய தலைமுறை இணையதளத்தில் மறுப்பு வெளியிட்டுள்ளனர். அதனையும் இங்கே இணைத்துள்ளோம்.

அடுத்தப்படியாக, நாம் அதிமுக ஐ.டி.பிரிவு நிர்வாகியை தொடர்புகொண்டு பேசினோம். அவரும், ‘’இது போலியான நியூஸ் கார்டு. இவ்வாறு எந்த அறிவிப்பையும் அதிமுக தலைமை வெளியிடவில்லை,’’ என்று தெரிவித்தார்.

எனவே, நாம் ஆய்வுக்கு எடுத்துக் கொண்ட நியூஸ் கார்டு, போலியானது, என்று சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.