‘’ கட்டெறும்பு பாஜக.,வில் இருந்து நீக்கம்,’’ என்று கரு. நாகராஜன் அறிவித்ததாகக் கூறி, சமூக வலைதளங்களில் பகிரப்படும் ஒரு தகவல் பற்றி ஆய்வு செய்தோம்.
தகவலின் விவரம்:
இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர்.
பலரும் இதனை உண்மை என நம்பி, ஷேர் செய்து வருகின்றனர்.
உண்மை அறிவோம்:
பாஜகவின் திருச்செந்தூர் பகுதி சமூக ஊடகம் மற்றும் தகவல் தொழில்நுட்ப பிரிவு நிர்வாகி இசக்கி முத்து. இவர் கட்டெறும்பு என்கிற பெயரில் சமூக வலைதளங்களில் கருத்து கூறுவது வழக்கம். இவர் X வலைதளத்தில் வன்முறை தூண்டும் வகையில் பதிவிட்டதாக, 2023, ஜூன் மாதம் கைது செய்யப்பட்டு, பின்னர் ஜாமீனில் விடுவிக்கப்பட்டார்.
தற்போது இவர் கட்சியின் பெயரை தவறாகப் பயன்படுத்தி பண மோசடி செய்ததால், பாஜக.,வில் இருந்து நீக்கப்பட்டதாகக் கூறி பாஜக மாநில துணைத்தலைவர் கரு.நாகராஜன் பெயரில் மேற்கண்ட வகையில் அறிக்கை ஒன்று சமூக வலைதளங்களில் பரவுகிறது.
ஆனால், ‘இது போலியான அறிக்கை,’ என்று கரு.நாகராஜன் மறுப்பு கூறியுள்ளார்.
இதுபோலவே, சம்பந்தப்பட்ட இசக்கி முத்து (கட்டெறும்பு) என்பவரும் விளக்கம் அளித்துள்ளார். மேலும், பாஜக (சமூக ஊடகப்பிரிவு) மாநில பொறுப்பாளர் எம்.எஸ். பாலாஜி இதுபற்றி மறுப்பு வெளியிட்டுள்ளதையும் கட்டெறும்பு மேற்கோள் காட்டியுள்ளார்.
எனவே, கரு.நாகராஜன் பெயரில் போலியான அறிக்கை தயாரித்து, சிலர் வேண்டுமென்றே வதந்தி பரப்புகின்றனர் என்று உறுதி செய்யப்படுகிறது.
முடிவு:
உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.
எங்களது சமூக வலைதள பக்கங்களை பின்தொடர…
Facebook Page I Twitter PageI Google News Channel I Instagram
Title:‘கட்டெறும்பு பாஜக.,வில் இருந்து நீக்கப்படுகிறார்’ என்று கரு. நாகராஜன் அறிவித்தாரா?
Written By: Fact Crescendo TeamResult: False
