‘‘நடிகை கஸ்தூரி சங்கர் அதிமுக.,வில் இணைந்தார்,’’ என்று கூறி, சமூக வலைதளங்களில் பகிரப்படும் ஒரு தகவல் பற்றி ஆய்வு செய்ய தீர்மானித்தோம்.
தகவலின் விவரம்:
Claim Tweet Link l Archived Link
இதனை வாசகர்கள் நமக்கு வாட்ஸ்ஆப் வழியே (+919049044263 & +919049053770) அனுப்பி, உண்மையா என்று சந்தேகம் கேட்டனர்.
பலரும் இந்த செய்தியை உண்மை என நம்பி ஷேர் செய்து வருகின்றனர்.
உண்மை அறிவோம்:
நடிகை கஸ்தூரி அரசியல் விமர்சகராகவும், சமூக செயற்பாட்டாளாராகவும் தன்னை வெளிப்படுத்திக் கொண்டுள்ளார். அரசியல் தொடர்பான டிவி நிகழ்ச்சிகளில் இவர் அவ்வப்போது பங்கேற்பது வழக்கம்.
இந்நிலையில், கஸ்தூரி தமிழ்நாடு முன்னாள் முதலமைச்சரும், அதிமுக இடைக்கால பொதுச் செயலாளருமான எடப்பாடி பழனிசாமியை நேரில் சந்தித்து, அக்கட்சியில் தன்னை இணைத்துக் கொண்டதாக, மேற்கண்ட வகையில் சிலர் புகைப்படம் ஒன்றை சமூக வலைதளங்களில் பகிர்கின்றனர்.
உண்மையில், இந்த படம் பழைய நிகழ்வு ஒன்றில் எடுக்கப்பட்டதாகும். மேலும், இந்த தகவலை கஸ்தூரி தற்போது மறுத்தும் உள்ளார். அவர் அளித்துள்ள விளக்கம் கீழே இணைக்கப்பட்டுள்ளது.
எனவே, பழைய புகைப்படத்தை எடுத்து வதந்தி பரப்பி வருகிறார்கள் என்று சந்தேகமின்றி உறுதி செய்யப்படுகிறது.
முடிவு:
உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.
எங்களது சமூக வலைதள பக்கங்களை பின்தொடர…
Facebook Page I Twitter Page I Google News Channel I Instagram
