ஆப்கானிஸ்தானில் பாண்டவர்கள், கௌரவர்கள் வழிபட்ட சிவன் கோயில் இதுவா?

‘’ஆப்கானிஸ்தானில் பாண்டவர்கள், கௌரவர்கள் வழிபட்ட பழமையான சிவன் கோயில்’’ என்று கூறி, சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’ ஆஃப்கனில் உள்ள சிவன் கோவில்’’ என்று எழுதப்பட்டுள்ளது. 

Claim Link 1 l Claim Link 2 

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்து வருகின்றனர். 

சிலர் இதே புகைப்படத்தை, கூடுதல் விவரம் சேர்த்து, பகிர்வதையும் கண்டோம். ‘’ *காந்தார தேசம்”* என்றழைக்கபடும் ஆப்கானிஸ்தானில் உள்ள “Asamai என்ற மலைத்தொடரில் உள்ள சிவன் கோயிலின் இன்றைய நிலை…இத் இன்றும் உள்ளது , ஆனால் இங்கே வழி பாடு  இல்லை – கோவில் அருகே உள்ள குளம் இன்றும் உள்ளது முஸ்லீம் தேசம் ஆகி விட்டதால் அவர்கள் இதை கண்டு கொள்வதில்லை. ஆனால் சகுனி , காந்தாரி இங்கே தான் பிறந்தனர். ஒரு காலத்தில் பஞ்ச பாண்டவர்கள் கௌரவர்கள் சகுனி காந்தாரி உட்பட அனைவரும் வழிபடப்பட்ட சிவ பெருமான் இவர். காந்தார நாட்டு தலை நகர் தான் தற்போது காந்தஹார் என்ற பெயரில் ஆஃப்கானில் உள்ளது !  இதன் அருகே உள்ள முல்தான் என்ற ஊரில் தான் சகுனி பிறந்தார்.  நன்றி,’’ என்ற தலைப்பில் குறிப்பிட்ட புகைப்படத்தை பரப்புகிறார்கள்.  

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். அப்போது, இந்த புகைப்படத்தில் உள்ள சிவன் கோயில் மகாராஷ்டிரா மாநிலத்தில் உள்ளதாக, தெரியவந்தது. 

இதன்படி, மகாராஷ்டிரா மாநிலத்தில் Harishchandragad Fort பகுதியில் அமைந்துள்ள Harishchandreshwar Temple என்று தெரியவந்தது. 

இதன்படி, கடந்த 2021ம் ஆண்டு இன்ஸ்டாகிராம் பக்கம் ஒன்றில் பகிரப்பட்ட புகைப்படத்தை எடுத்து, ஆப்கானிஸ்தானில் காந்தஹார் பகுதியில் உள்ள சிவன் கோயில் என்று தவறான தகவல் பரப்புகிறார்கள் என்று, தெளிவாகிறது. 

இந்த கோயில் தொடர்பான புகைப்படங்கள், வீடியோ நிறைய சமூக வலைதளங்களில் காண கிடைக்கின்றன. அவற்றில், சிலவற்றை கீழே ஆதாரத்திற்காக, இணைத்துள்ளோம். 

Link 1 l Link 2 l Link 3

எனவே, நாம் ஆய்வுக்கு எடுத்துக் கொண்ட புகைப்படத்தில் உள்ள கோயில், மகாராஷ்டிராவில் அமைந்துள்ளது என்றும், இதற்கும், ஆப்கானிஸ்தானுக்கும் எந்த தொடர்பும் இல்லை என்றும், சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram