இந்து கடைகளில் பொருட்கள் வாங்கக்கூடாது என்று அமெரிக்க முஸ்லிம்கள் பிரச்சாரம் செய்தனரா?

‘’இந்து கடைகளில் பொருட்கள் வாங்கக்கூடாது என்று அமெரிக்க முஸ்லிம்கள் பிரச்சாரம்’’, என்று கூறி, சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம்.

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர்.

இதில், ‘’ *அமெரிக்க முஸ்லிம்கள் வேலைநிறுத்தம் செய்கிறார்கள்…. காய்கறிகளின் விலை உயர்ந்ததால் அல்ல…. அவர்கள் இந்து கடைகளில் இருந்து முஸ்லிம்கள் பொருட்கள் வாங்கக்கூடாது என்று ரோடு ரோடாக பிரச்சாரம் செய்கின்றனர். வியாபார லாபத்தில் குஜராத்தி ஹிந்துக்கள் இந்திய இந்துக்களுக்கு உதவ அனுப்புகின்றனர். அது தவிர்க்கப்பட வேண்டும் என்று சொல்கிறார்கள்.

இந்துக்களுடன் வியாபாரம் செய்ய வேண்டாம் என்ற விழிப்புணர்வை ஏற்படுத்த வேலைநிறுத்தம் செய்கிறார்கள்…!!!*

*இந்துக்களாகிய நாம் நம் சொந்த மக்களிடம் வியாபாரம் செய்கிறோமா?*

ஒரு காலத்தில் இந்துக்கள் வாழும் ஏரியாவில் முஸ்லிம்கள் வந்து குடியிருக்க மாட்டார்கள். அதுபோல் முஸ்லிம் வாழும் ஏரியாக்களில் இந்துக்கள் போய் குடி இருக்கவே மாட்டார்கள்.

ஆனால் இன்று முஸ்லிம்கள் இந்துக்கள் வாழும் ஏரியாவில் சர்வசாதாரணமாக வீடு வாங்குகிறார்கள். சர்வ சாதாரணமாக கடைகள் வைத்து அவர்கள் இந்துக்களிடம் வியாபாரம் செய்கின்றனர். அதற்கு அவர்கள் கோவில்களில் உள்ள மத குருக்கள் / மத சங்கங்கள் ஊக்கம் அளித்து பண உதவி செய்கின்றனர்.

ரொம்பவே சிஸ்டமேட்டிக்கா அவர்கள் செயல்படுத்தப்படுகின்றனர்.

இதை உணருங்கள்.

*இந்துக்களே விழித்திருங்கள்….*,’’ என்று எழுதப்பட்டுள்ளது.

Claim Link 1 l Claim Link 2 l Claim Link 3

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது.

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். அப்போது, இந்த வீடியோ கடந்த 2022ம் ஆண்டு முதல் சமூக வலைதளங்களில் பகிரப்பட்டு வருகிறது, என்று தெரியவந்தது.

अमेरिका के मुसलमानों द्वारा अमेरिका में ही अमेरिकी हिंदुओं और उनके कारोबार के खिलाफ खुला अभियान
यह शिकागो यूएसए में हो रहा है मुजफ्फराबाद में नहीं यह उच्च समय है वास्तव में वास्तव में उच्च समय हर कोई जागता है_ इसलिए जागो मेरे भारत के और विश्व के सनातनी हिंदू pic.twitter.com/G0CDSGb9lP
— virendra Kumar Nishad (@virendranishad6) June 25, 2022

கடந்த 2022ம் ஆண்டு பாஜக.,வை சேர்ந்த Nupur Sharma மற்றும் Naveen Kumar Jindal ஆகியோர் முகமது நபிகள் பற்றி விமர்சனம் ஒன்றை முன் வைத்தனர். இதற்கு சர்வதேச அளவில் கண்டனம் எழுந்தது. இதையொட்டி, அமெரிக்காவில் உள்ள சிகாகோ நகரில் முஸ்லீம் அமைப்புகள் ஒன்றுசேர்ந்து, போராட்டம் நடத்தினர். அப்போது, இந்துத்துவா கருத்துக்கு எதிர்ப்பு தெரிவித்து, பதாகைகளை சிலர் ஏந்திவந்தனர். அந்த வீடியோவை எடுத்துதான், தற்போது தவறான தகவல் சேர்த்து, பரப்புகிறார்கள்.

Muslim Mirror Link 1 l Link 2

இதன்படி, இந்துத்துவா கருத்துகளை எதிர்த்து நடைபெற்ற போராட்ட காட்சியை எடுத்து, அமெரிக்காவில் உள்ள இந்துக்களுக்குச் சொந்தமான கடைகளில் பொருள் வாங்கக்கூடாது என்று கோரி முஸ்லீம்கள் போராட்டம் நடத்தியதாக, வதந்தி பரப்புவது, நமக்கு தெளிவாகிறது.

இந்த புகைப்படத்தில் உள்ள நபர்தான் Muslim Mirror ஊடகம் வெளியிட்ட செய்தியில் உள்ள புகைப்படத்திலும் காணப்படுகிறார்.

கூடுதல் செய்தி ஆதாரம் இதோ…

Maktoob Media

எனவே, நாம் ஆய்வுக்கு எடுத்துக் கொண்ட தகவல், தவறானது என்று சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.