‘பற்றி எரிகிறது பாகிஸ்தான்’ என்று பரவும் வீடியோ உண்மையா?

‘’பற்றி எரிகிறது பாகிஸ்தான்’’ என்று கூறி, சமூக வலைதளங்களில் பகிரப்படும் ஒரு வீடியோ பற்றி ஆய்வு மேற்கொண்டோம்.

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர்.

இதில், ‘’ தனது அழிவை தானே தேடிக் கொண்ட பாகிஸ்தான்:

ஒரு இடமா இரண்டு இடமா எல்லா இடத்திலும் இருந்து (தரை கடல் வான்வெளி) தாக்கினால் என்னதான் செய்வது.முடியவில்லை என்று சொல்லவும் துணிச்சல் இல்லை.

பற்றி எரிகிறது பாகிஸ்தான் 💀,’’ என்று எழுதப்பட்டுள்ளது.

இதனுடன் வீடியோ ஒன்றும் இணைக்கப்பட்டுள்ளது.

Claim Link 1 l Claim Link 2 l Claim Link 3

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்து வருகின்றனர்.

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். அப்போது, இந்த வீடியோவுக்கும், தற்போதைய பாகிஸ்தான் – இந்தியா மோதலுக்கும் எந்த தொடர்பும் இல்லை, என்று தெரியவந்தது.

ஆம், இது மும்பை தாராவி பகுதியில் கடந்த மார்ச் மாதம் ஏற்பட்ட எரிவாயு சிலிண்டர் வெடிவிபத்து தொடர்பான வீடியோ.

கடந்த 2025, மார்ச் மாதத்தில் தாராவி பகுதியில் செயல்படும் பஸ் டெப்போ அருகே எரிவாயு சிலிண்டர் கசிவு ஏற்பட்டதால், திடீரென தீ விபத்து ஏற்பட்டது. இதையடுத்து, 20க்கும் மேற்பட்ட சிலிண்டர்கள் வெடித்ததால், அங்கு பெரும் சேதம் நிகழ்ந்தது. இதுதொடர்பான வீடியோ மற்றும் செய்தி சமூக வலைதளங்களில் அப்போது வைரலாக பகிரப்பட்டது.

A Major Fire Broke Out Near DHARAVI Bus Depot On The SION-DHARAVI Link Road After Multiple Gas Cylinder Explosions From An Illegally Parked Truck.This Is A Densely Populated Area,And The Incident Has Triggered Immense Panic Among Residents…
Massive Fire Erupts In Mumbai DHARAVI pic.twitter.com/Czfr5aHkLz
— khalid Chougle (@ChougleKhalid) March 25, 2025

மேலும் ஒரு X வலைதள பதிவின் லிங்க் கீழே இணைக்கப்பட்டுள்ளது.

A major fire broke out near Dharavi Bus Depot on the Sion-Dharavi Link Road after multiple gas cylinder explosions from an illegally parked truck. This is a densely populated area, and the incident has triggered immense panic among residents.

My team and I are at the site, where… pic.twitter.com/37kTehyZXj
— Dr. Jyoti Eknath Gaikwad (@DrJyotiEGaikwad) March 24, 2025

அடுத்தப்படியாக, முன்னணி ஊடகங்களில் வெளியான செய்தியையும் ஆதாரத்திற்காக, இங்கே இணைத்துள்ளோம்.

Free Press Journal l Times Of India

எனவே, மும்பை தாராவி பகுதியில் ஏற்பட்ட சிலிண்டர் வெடிவிபத்து தொடர்பான ஒரு வீடியோவை எடுத்து, ‘இந்திய தாக்குதலில் பற்றி எரியும் பாகிஸ்தான்’ என்று குறிப்பிட்டு, சமூக வலைதளங்களில் வதந்தி பரப்புகிறார்கள், என்று சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.