‘எடப்பாடி டெபாசிட் காலி’ என்று டிடிவி தினகரன் ஆதரவாளர் கோஷமிடும் வீடியோ தற்போது எடுக்கப்பட்டதா?

‘‘எடப்பாடி டெபாசிட் காலி,’’ என்று டிடிவி தினகரன் ஆதரவாளர் கோஷமிடும் வீடியோ ஒன்று பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’ கூட்டணி அறவிக்க போகும் போதா இப்படி 😂, எடப்பாடி டெபாசிட் காலி,’’ என்று எழுதப்பட்டுள்ளது. 

Claim Link        

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது.

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். அப்போது, இது கடந்த 2025ம் ஆண்டு அக்டோபர் மாதம் எடுக்கப்பட்ட வீடியோ என்று, தெரியவந்தது. 

இதன்படி, கடந்த அக்டோபர் 30, 2025 அன்று முத்துராமலிங்கத் தேவர் நினைவிடத்திற்கு வந்த ஓபிஎஸ், டிடிவி தினகரன், செங்கோட்டையன் ஆகிய மூவரும் ஒன்றாக பத்திரிக்கையாளர் சந்திப்பு நடத்தினர். அப்போது, ஒருவர் ‘எடப்பாடி டெபாசிட் காலி’ என்று கோஷமிட்டார். 

கூடுதல் செய்தி ஆதாரம் இதோ…

NewsTamil 24X7 l The News Minute l Thanthi TV l News Trends Tamil

அதேசமயம், டிடிவி தினகரன் அதிமுக மற்றும் பாஜக கூட்டணியில் இணையும் நிகழ்வு தற்போது நடைபெற்ற ஒன்று. 

எனவே, நாம் ஆய்வுக்கு எடுத்துக் கொண்ட வீடியோவுக்கும், தற்போதைய டிடிவி தினகரன் மற்றும் அதிமுக- பாஜக கூட்டணி செய்திக்கும் எந்த தொடர்பும் இல்லை, என்று சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram