புனேவில் எடுத்த வீடியோவை சென்னை மெரினாவில் வெள்ளம் என்று பரவும் நெட்டிசன்கள்!

சென்னை மெரினா சாலையில் மழை நீர் வெள்ளத்தில் ஒருவர் தண்ணீர் ஸ்கேட்டிங் செய்தார் என்று ஒரு வீடியோவை பலரும் சமூக ஊடகங்களில் பதிவிட்டு வருகின்றனர். இது தொடர்பாக ஆய்வு செய்தோம்.

தகவலின் விவரம்:

உண்மைப் பதிவைக் காண: Facebook I Archive

மழை நீரில் ஒருவர் சருக்கிக்கொண்டு செல்லும் வீடியோ யூடியூபில் பதிவிடப்பட்டுள்ளது. வீடியோவில் ஸ்டாலின் தான் வராறு என்று திமுக பிரசார பாடல் ஒலிக்கிறது. அந்த வீடியோவை பலரும் ஃபேஸ்புக்கில் பதிவிட்டு வருகின்றனர். வீடியோவுக்கு, “ஸ்டாலின் தான் வராரு விடியல் தரப் போறாரு அதுதான் மக்களோட முடிவு #chennai #marina #beach #funny” என்று தலைப்பிடப்பட்டிருந்தது. இதைப் பலரும் சமூக ஊடகங்களில் பதிவிட்டு வருகின்றனர்.

உண்மைப் பதிவைக் காண: youtube.com

உண்மை அறிவோம்:

சென்னை மெரினா சாலையை பயன்படுத்தியிருந்தால், அதை பார்த்திருந்தால் கட்டாயம் இதை மெரினா கடற்கரை என்று யாரும் பதிவிட்டிருக்க மாட்டார்கள். மெரினா கடற்கரை சாரையில் நாம் ஆய்வுக்கு எடுத்துக்கொண்ட வீடியோவில் உள்ளது போன்று பாலம், பிரம்மாண்ட கண்ணாடி கட்டிடம் எதுவும் இல்லை. எனவே, இந்த வீடியோ கட்டாயம் மெரினா கடற்கரை இல்லை. எனவே, இந்த வீடியோ தொடர்பாக ஆய்வு செய்தோம்.

உண்மைப் பதிவைக் காண: instagram.com 

வீடியோவை புகைப்படங்களாக மாற்றி கூகுள் லென்ஸ் தளத்தில் பதிவேற்றித் தேடினோம். அப்போது, கடந்த ஜூன் மாதத்தில் இந்த வீடியோவை மகாராஷ்டிரா மாநிலம் புனேவில் எடுக்கப்பட்டது என்று குறிப்பிட்டு பலரும் சமூக ஊடகங்களில் பதிவிட்டிருந்தனர்.

உண்மைப் பதிவைக் காண: Google Map

சில வீடியோக்கள் மிகவும் தெளிவாக இருந்தது. அதில், Deutsche வங்கியின் பெயர் தெளிவாகத் தெரிந்தது. இதன் அடிப்படையில் புனே, Deutsche Bank என்று கூகுள் மேப்-ல் தேடினோம். அப்போது நாம் ஆய்வுக்கு எடுத்துக்கொண்ட வீடியோவில் இடம் பெற்ற கட்டிடம் புனேவில் இருப்பது உறுதியானது. 

கூகுள் ஸ்ட்ரீட் வியூ 2022ம் ஆண்டு நவம்பர் மாதம் பதிவு செய்யப்பட்டுள்ளது. அப்போது அந்த சாலையில் உள்ள பாலத்தின் கட்டுமானம் நடந்துகொண்டிருந்ததை காண முடிகிறது. அதன் பிறகு பாலம் திறக்கப்பட்டதால் ஸ்ட்ரீட் வியூவுக்கும் நாம் ஆய்வுக்கு எடுத்துக்கொண்ட வீடியோவில் உள்ள சாலைக்கும் சிறிதளவு வேறுபாட்டை காண முடிகிறது. ஆனால், ஸ்ட்ரீட் வியூவில இருந்த கட்டிடங்களை ஆய்வுக்கு எடுத்துக்கொண்ட வீடியோவில் காண முடிகிறது.

கூகுள் ஸ்ட்ரீட் வியூவில் நாம் ஆய்வுக்கு எடுத்துக்கொண்ட வீடியோவில் உள்ள இடம் புனேவில் இருப்பது தெளிவானது. மகாராஷ்டிராவில் தொடர்ந்து பாஜக கூட்டணிதான் ஆட்சியிலிருந்து வருகிறது. பாஜக ஆளும் மகாராஷ்டிராவின் வீடியோவை எடுத்து ஸ்டாலின் தான் வராறு என்று தி.மு.க பிரசார பாடலை சேர்த்த வதந்தி பரப்பியிருப்பது தெளிவாகிறது. 

நமக்கு கிடைத்த ஆதாரங்கள் அடிப்படையில் நாம் ஆய்வுக்கு எடுத்துக்கொண்ட இடம் சென்னை மெரினா இல்லை என்பது உறுதி செய்யப்படுகிறது. 

முடிவு:

பாஜக ஆட்சி செய்யும் மகாராஷ்டிராவின் மழை வெள்ள வீடியோவை தமிழ்நாட்டில் மு.க.ஸ்டாலின் ஆட்சியில் என்று தவறாக பகிர்ந்திருப்பதை தகுந்த ஆதாரங்கள் அடிப்படையில் ஃபேக்ட் கிரஸண்டோ தமிழ் உறுதி செய்துள்ளது. எனவே, நமது வாசகர்கள், இத்தகைய தவறான செய்தி, புகைப்படங்கள், வீடியோ போன்றவற்றை உறுதி செய்யாமல் மற்றவர்களுக்குப் பகிர வேண்டாம் என கேட்டுக் கொள்கிறோம். வாசகர்கள் தங்களுக்கு சந்தேகம் என்று தோன்றும் தகவல், பதிவு, புகைப்படம், வீடியோவை எங்களது வாட்ஸ் ஆப் எண்ணிற்கு (+91 9049053770) அனுப்பினால், அதுபற்றி ஆய்வு செய்து உண்மை விவரத்தை வெளியிடுகிறோம்.

சமூக ஊடகங்களில் எங்களை பின் தொடர விரும்பினால்…

Facebook I X Post I Google News Channel I Instagram