ஆமை வடிவ கேக் வெட்டி பிறந்த நாள் கொண்டாடினாரா சீமான்?

‘’ ஆமை வடிவ கேக் வெட்டி பிறந்த நாள் கொண்டாடிய சீமான்’’ என்று சமூக வலைதளங்களில் பகிரப்படும் புகைப்படங்கள் பற்றி ஆய்வு செய்தோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் வழியே (+919049044263 & +919049053770) அனுப்பி, உண்மையா என்று சந்தேகம் கேட்டனர். 

இதில், ‘’ #தமிழ் கலாச்சார படி கேக் வெட்டி

கொண்டாடிய தமிழர் 

அதுல பாருங்க அந்த கேக் தான்

#ஹைலைட் ’’ என்று எழுதப்பட்டுள்ளது.  

பலரும் இதனை உண்மை என நம்பி ஷேர் செய்து வருகின்றனர்.  

உண்மை அறிவோம்:

மேற்கண்ட தகவல் பற்றி நாம் தகவல் தேடியபோது, சீமான் பிறந்த நாள் ஆண்டுதோறும் நவம்பர் 8ம் தேதி அவரது கட்சியினரால் கொண்டாடப்படுகிறது. இந்த ஆண்டும் சீமான் இல்லத்தில் அவரது மனைவி கயல்விழி முன்னிலையில் கொண்டாடியதாகச் செய்திகள் காணக் கிடைத்தன. 

ஆனால், இவ்வாறு ஆமை வடிவ கேக் வெட்டியதாக, எந்த செய்தியும் காணக் கிடைக்கவில்லை. 

தொடர்ந்து, நாம் தேடியபோது, 2019ம் ஆண்டு நாம் தமிழர் கட்சி சார்பாக, விடுதலைப் புலிகள் தலைவர் பிரபாகரனின் 65வது பிறந்த நாள் கொண்டாடியபோது, எடுக்கப்பட்ட புகைப்படங்களை எடிட் செய்தே, இவ்வாறு வதந்தி பரப்பியுள்ளனர் என்று விவரம் கிடைத்தது. 

அந்த புகைப்பட ஆதாரம் இதோ…

Naamtamilar.org link 

‘’தலைவர் 65’’ என்று அந்த கேக்கில் எழுதப்பட்டுள்ளது. இதுதொடர்பான கூடுதல் செய்தி ஆதாரம் இதோ…

naamtamilar.org news link 

உண்மையான புகைப்படத்தையும், எடிட் செய்த புகைப்படத்தையும் ஒப்பீடு செய்து கீழே இணைத்துள்ளோம். 

எனவே, நாம் ஆய்வுக்கு எடுத்துக் கொண்ட படம் ‘எடிட் செய்தது’ என்று சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram