‘திமுக ஒரு தீய சக்தி’ என்று திருமாவளவன் கூறினாரா?

‘‘திமுக ஒரு தீய சக்தி,’’ என்று திருமாவளவன் கூறியதாக, சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’ திமுக ஒரு தீய சக்தி.. தீய சக்தி.. தீய சக்தி.. திருமாவளவன் ஆவேசம்,’’ என்று எழுதப்பட்டுள்ளது. திருமாவளவன் பேசும் வீடியோ ஒன்றும் இதனுடன் இணைத்துள்ளனர். 

Claim Link  

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது.

உண்மை அறிவோம்:

மேற்கண்ட வீடியோ உண்மையா என்று நாம் ஆய்வு மேற்கொண்டோம். அப்போது, இது எடிட் செய்யப்பட்ட வீடியோ, என்று தெரியவந்தது. 

இந்த வீடியோவில் ‘திமுக ஒரு தீய சக்தி என்று விஜய் திட்டுகிறார், என திருமாவளவன் பேசுவதைக் காண முடிகிறது. இதனையே எடிட் செய்து, திமுகவை திருமாவளவன் திட்டியதாகக் கூறி, தவறான தகவல் பரப்புகிறார்கள். 

கூடுதல் செய்தி ஆதாரம் இதோ…

Sun News l Thanthi TV  

எனவே நாம் ஆய்வுக்கு எடுத்துக் கொண்ட வீடியோ எடிட் செய்யப்பட்டது, என்று சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram