விஜய் தங்குவதற்கு ரூ.100 கோடி செலவில் அதிநவீன சொகுசு வாகனம் வரவழைக்கப்பட்டதா?

‘’மதுரை மாநாட்டில் விஜய் தங்குவதற்கு ரூ.100 கோடி செலவில் அதிநவீன சொகுசு வாகனம் வரவழைக்கப்பட்டது,’’ என்று கூறி, சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’ மாநாட்டில் விஜய் தங்குவதற்கு 100 கோடி செலவில் வர வரவழைக்க பட்ட அதிநவீன சொகுசு வாகனம்.
இவர் தான் ஏழையின் கண்ணீரை துடைக்க போகிறார் 🙄
#தற்குறிகள்_மாநாடு’’ என்று எழுதப்பட்டுள்ளது. 

Claim Link 1 l Claim Link 2 l Claim Link 3  

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது. 

உண்மை அறிவோம்:

மேற்கண்ட புகைப்படம் பற்றிய தகவல் உண்மையா என்று நாம் ஆய்வு மேற்கொண்டோம். அப்போது, இந்த புகைப்படத்திற்கும், சமீபத்தில் நடைபெற்ற தவெக., மதுரை மாநாட்டிற்கும் எந்த தொடர்பும் இல்லை, என்று தெரியவந்தது. 

ஆம், விஜய் தலைமையில், தவெக., மதுரையில் மாநாடு நடத்தியது ஆகஸ்ட் 25, 2025 அன்று. ஆனால், நாம் ஆய்வுக்கு எடுத்துக் கொண்ட சொகுசு வாகனத்தின் புகைப்படம் கடந்த 2012ம் ஆண்டு முதலே சமூக வலைதளங்களில் பகிரப்படும் ஒன்றாக உள்ளது. 

கடந்த 2012ம் ஆண்டு கேரளாவை சேர்ந்த நடிகர் Prithviraj Sukumaran இந்த சொகுசு வாகனத்தை வாங்கியதாகக் கூறி, Ojes Automobiles ஃபேஸ்புக்கில் ஏற்கனவே பதிவு வெளியிட்டுள்ளது. 

இதன்மூலமாக, கேரவன் தயாரிப்புக்கு பெயர் பெற்ற Ojes Automobiles வடிவமைத்த சொகுசு வாகனத்தை Prithviraj வாங்கியுள்ளது, தெளிவாகிறது. 

கூடுதல் செய்தி ஆதாரம் இதோ…

இறுதியாக, Prithviraj தனது அதிகாரப்பூர்வ ஃபேஸ்புக் பக்கத்தில் 2012ம் ஆண்டு வெளியிட்ட பதிவை இங்கே இணைத்துள்ளோம். 

எனவே, நாம் ஆய்வுக்கு எடுத்துக் கொண்ட புகைப்படத்திற்கும், தவெக மதுரை மாநாட்டிற்கும் எந்த தொடர்பும் இல்லை என்று சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram