ஜப்பான் கடற்கரையில் ஏற்பட்ட நிலநடுக்கம் என்று பரவும் வீடியோ உண்மையா?

ஜப்பான் கடற்கரையில் ஏற்பட்ட 7.6 ரிக்டர் அளவிலான நிலநடுக்கத்தின் காட்சி என்று ஒரு வீடியோ சமூக ஊடகங்களில் வைரலாக பகிரப்பட்டு வருகிறது. இது தொடர்பாக ஆய்வு செய்தோம்.

தகவலின் விவரம்:

உண்மைப் பதிவைக் காண: Facebook I Archive

நிலநடுக்கம் காரணமாக கட்டிடங்கள் குலுங்கும் வீடியோ ஃபேஸ்புக்கில் பதிவிடப்பட்டுள்ளது. நிலைத் தகவலில், “ஜப்பான் கடற்கரையில் 7.6 ரிக்டர் அதிர்ச்சி – சுனாமி எச்சரிக்கை வெளியானது!” என்று குறிப்பிடப்பட்டிருந்தது. இந்த பதிவை பலரும் சமூக ஊடகங்களில் பதிவிட்டு வருகின்றனர்.

உண்மைப் பதிவைக் காண: Facebook I Archive

நேற்று ஏற்பட்ட நிலநடுக்கம் என்று குறிப்பிட்டும் பலரும் இந்த வீடியோவை சமூக ஊடகங்களில் பதிவிட்டு வருகின்றனர்.

உண்மை அறிவோம்:

ஜப்பானின் அமோரி கடற்கரையிலிருந்து 80 கி.மீ தொலைவில், பசிபிக் பெருங்கடலில் டிசம்பர் 8, 2025 அன்று நிலநடுக்கம் ஏற்பட்டது. ஜப்பான் நேரப்படி இரவு 11.15க்கு இந்த நிலநடுக்கம் ஏற்பட்டதாக செய்திகள் தெரிவிக்கின்றன. இந்த நிலையில், பகல் நேரத்தில் நிலநடுக்கம் ஏற்பட்டது போன்று ஒரு வீடியோவை பலரும் சமூக ஊடகங்களில் பதிவிட்டு வருகின்றனர். இது சந்தேகத்தை ஏற்படுத்தவே இது தொடர்பாக ஆய்வு செய்தோம்.

உண்மைப் பதிவைக் காண: Facebook I Archive

வீடியோ காட்சியை புகைப்படங்களாக மாற்றி கூகுள் லென்ஸ் தளத்தில் பதிவேற்றித் தேடினோம். அப்போது, 2024ம் ஆண்டு ஜப்பானில் ஏற்பட்ட நிலநடுக்கம் என்று குறிப்பிட்டு இதே வீடியோவை பலரும் 2024ம் ஆண்டில் பதிவிட்டிருந்ததைக் காண முடிந்தது. இதன் மூலம் இந்த வீடியோ 2024ம் ஆண்டு ஜப்பானில் ஏற்பட்ட நிலநடுக்கத்தின் போது பதிவான காட்சியாக இருக்கலாம் என்று தெரிந்தது. அதே நேரத்தில் எங்கு, எப்போது பதிவானது என்ற துல்லியமான விவரம் நமக்கு கிடைக்கவில்லை.

2024ம் ஆண்டிலேயே இந்த வீடியோ சமூக ஊடகங்களில் பதிவிட்டிருப்பதன் மூலம், 2025 டிசம்பர் 8ம் தேதி ஏற்பட்ட நிலநடுக்கத்தின் வீடியோ இது இல்லை என்பது உறுதியாகிறது. இதன் அடிப்படையில் நாம் ஆய்வுக்கு எடுத்துக்கொண்ட பதிவு தவறானது என்று உறுதி செய்யப்படுகிறது.

முடிவு:

2024ம் ஆண்டு ஜப்பானில் ஏற்பட்ட நிலநடுக்கத்தின் வீடியோ பதிவை தற்போது நடந்த நிலநடுக்கம் என்று தவறாக பகிர்ந்திருப்பதை தகுந்த ஆதாரங்கள் அடிப்படையில் ஃபேக்ட் கிரஸண்டோ தமிழ் உறுதி செய்துள்ளது. எனவே, நமது வாசகர்கள், இத்தகைய தவறான செய்தி, புகைப்படங்கள், வீடியோ போன்றவற்றை உறுதி செய்யாமல் மற்றவர்களுக்குப் பகிர வேண்டாம் என கேட்டுக் கொள்கிறோம். வாசகர்கள் தங்களுக்கு சந்தேகம் என்று தோன்றும் தகவல், பதிவு, புகைப்படம், வீடியோவை எங்களது வாட்ஸ் ஆப் எண்ணிற்கு (+91 9049053770) அனுப்பினால், அதுபற்றி ஆய்வு செய்து உண்மை விவரத்தை வெளியிடுகிறோம்.

சமூக ஊடகங்களில் எங்களை பின் தொடர விரும்பினால்…

Facebook I X Post I Google News Channel I Instagram