மும்பையில் வாகனங்களில் ‘I love Muhammad’ ஸ்டிக்கர் ஒட்டிய நபர்களை போலீசார் கைது செய்தனரா?

‘’மும்பையில் வாகனங்களில் ‘I love Muhammad’ ஸ்டிக்கர் ஒட்டிய இஸ்லாமியர்களை போலீசார் கைது செய்தனர்,’’ என்று கூறி, சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம்.

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர்.

இதில், ‘’ குர்லாவில் எல்.பி.எஸ் மார்க்கில் வலுக்கட்டாயமாக போக்குவரத்தை நிறுத்தி, வாகனங்களில் “ஐ லவ் முகமது” என்ற ஸ்டிக்கர்களை ஒட்டிய முஸ்லிம் ஜிஹாதிகளுக்கு மும்பை காவல்துறை *”சரியான சிகிச்சை”* அளிக்கிறது 👌👏😃😂,’’ என்று எழுதப்பட்டுள்ளது.

Claim Link 1 l Claim Link 2

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது.

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். அப்போது, இந்த வீடியோவுக்கும், இவர்கள் கூறும் தகவலுக்கும் எந்த தொடர்பும் இல்லை, என்று தெரியவந்தது.

இதன்படி, மகாராஷ்டிரா மாநிலம், நாசிக் நகரில் கொலைக் குற்றவாளி ஒருவர் ஜாமீனில் வெளிவந்துள்ளார். இதனை, அவரது கூட்டாளிகள் சாலையில் ஊர்வலமாக சென்று கொண்டாடியுள்ளனர். அப்போது, கையில் ஆயுதங்களுடன் சென்று, பொதுமக்களுக்கு இடையூறு ஏற்படுத்தியுள்ளனர். மேலும், இதுதொடர்பான வீடியோ காட்சிகளை சமூக ஊடகங்கள் மூலமாக reels செய்தும் உள்ளனர்.

இதன்பேரில், Nashik City Police குறிப்பிட்ட சம்பவத்தில் தொடர்புடைய 21 பேரை கைது செய்து, அவர்களை பொது மக்கள் பார்க்கும் வகையில் ஊர்வலமாக, அடித்து இழுத்துச் சென்றனர்.

இதுபற்றி பல்வேறு ஊடகங்களும் ஏற்கனவே செய்தி வெளியிட்டுள்ளன.

The Week l NDTV l Times of India

எனவே, வேறொரு சம்பவம் தொடர்பான வீடியோ ஒன்றை எடுத்து, மும்பையில் வாகனங்களில் ‘I love Muhammad’ ஸ்டிக்கர் ஒட்டிய இஸ்லாமியர்களை போலீசார் கைது செய்ததாகக் கூறி, வேண்டுமென்றே சமூக வலைதளங்களில் வதந்தி பரப்புகிறார்கள், என்று சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.