மு.க.ஸ்டாலின் டெல்லி பயணம் என்று பரவும் நியூஸ்கார்டு உண்மையா?

‘’மு.க.ஸ்டாலின் டெல்லி பயணம்,’’ என்று கூறி, சமூக வலைதளங்களில் பகிரப்படும் ஒரு நியூஸ்கார்டு பற்றி ஆய்வு மேற்கொண்டோம்.

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர்.

இதில், ‘’முதலமைச்சர் இன்று டெல்லி பயணம். 2 நாள் பயணமாக இன்று மாலை டெல்லி புறப்படுகிறார் முதலமைச்சர் மு.க.ஸ்டாலின் நாளை பிரதமர் மோடியை சந்தித்து தமிழ்நாட்டின் கோரிக்கைகள் அடங்கிய மனுவை அளிக்கிறார்” என்று எழுதப்பட்டுள்ளது. இதில், 16.08.2025 என்று தேதியும் குறிப்பிடப்பட்டுள்ளது.

Claim Link 1 l Claim Link 2

நியூஸ் 18 லோகோ உள்ளதால், பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது.

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். இதன்படி, கடந்த 16.08.2025 அன்று மு.க.ஸ்டாலின் டெல்லிக்குச் சென்றதாக, ஊடகங்களில் ஏதேனும் செய்தி வெளியாகியுள்ளதா, என்று தகவல் தேடினோம். அவ்வாறு எந்த செய்தியும் காணப்படவில்லை.

அடுத்தப்படியாக, மு.க.ஸ்டாலின் X வலைதள பக்கத்திற்குச் சென்று பார்த்தோம். அதிலும் இதுபோன்ற எந்த ஒரு பதிவும் இடம்பெறவில்லை. மாறாக, 16.08.2025, 17.08.2025 ஆகிய நாட்களில் மு.க.ஸ்டாலின் சென்னை, சேலம் போன்ற இடங்களில்தான் இருந்துள்ளார் என்று தெரியவந்தது.

இதையடுத்து, நியூஸ் 18 தமிழ்நாடு ஆசிரியர் குழுவை தொடர்புகொண்டு பேசினோம். அவர்களும், இது போலியான செய்தி, என்பதை உறுதி செய்தனர்.

இறுதியாக, நியூஸ் 18 தமிழ்நாடு பெயரில் பகிரப்படும் மேற்கண்ட நியூஸ்கார்டு உண்மையல்ல, என்று கூறி, தமிழ்நாடு அரசுக்குச் சொந்தமான TN Factcheck தரப்பிலும் மறுப்பு தெரிவிக்கப்பட்டுள்ளது.

எனவே, நாம் ஆய்வுக்கு எடுத்துக் கொண்ட நியூஸ்கார்டு போலியானது, என்று சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.