கள்ளக்குறிச்சி – சங்கராபுரம் இடையிலான ஆறுவழி விரைவுச்சாலை என்று பரவும் புகைப்படம் உண்மையா?

‘’கள்ளக்குறிச்சி – சங்கராபுரம் இடையிலான ஆறுவழி விரைவுச்சாலை’’, என்று கூறி, சமூக வலைதளங்களில் வைரலாக பகிரப்படும் ஒரு புகைப்படம் பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’ அற்புதமான இந்த நீண்ட சாலை அமெரிக்கா இல்லை நமது இந்தியாவில் தமிழ்நாட்டில் உள்ள கள்ளக்குறிச்சி – சங்கராபுரம் இடையிலான ஆறுவழி விரைவுச்சாலை தான்!!!!
நடுநடுவே இணைப்பு சாலைகள் கொண்ட இந்த அழகான சாலை ரோடு மாமாந்தூர் தொழில்துறை புறநகர் பகுதியான அரியபெருமானூர், மற்றும் புதிய புறநகர் பகுதியான கிரேட்டர் மூரார்பாளையம் இணைக்கும் 25கிலோமீட்டர் நீளம் கொண்ட ஆறுவழி விரைவுச்சாலை ஆகும்!!! ’’ என்று எழுதப்பட்டுள்ளது. 

FB Claim 1 

மேலும் சிலர் இதே புகைப்படத்தை டெல்லியில் உள்ள நொய்டா – கிரேட்டர் நொய்டா இடையிலான ஆறு வழி விரைவுச்சாலை என்றும் குறிப்பிட்டு, சமூக வலைதளங்களில் பதிவிட்டு வருகின்றனர். 

FB Claim 2

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். அப்போது, இது மத்திய அரசால் சமீபத்தில் அங்கீகாரம் வழங்கப்பட்ட Delhi-Amritsar-Katra Greenfield Expressway திட்டத்தின் மாதிரி புகைப்படம் என்று குறிப்பிட்டு, ஏற்கனவே சில மாதங்கள் முன்பாக, ஊடகங்களில் பகிரப்பட்டதை கண்டோம். 

India.com Link 1  l  Link 2

அடுத்தப்படியாக, கடந்த 2023ம் ஆண்டு இதே புகைப்படத்தை மலேசிய ஃபேஸ்புக் பக்கம் (Waze Malaysia) ஒன்றில் இது அந்நாட்டில் போடப்பட்டுள்ள சாலை என்று, குறிப்பிட்டிருந்தனர். 

ஆனால், இதுவும் உண்மையான தகவல் அல்ல; நகைச்சுவை நோக்கில் பகிரப்பட்ட ஒன்றுதான். 

இதன்படி, பல ஆண்டுகளாகவே இணையதளத்தில் பகிரப்படும் ஒரு மாடல் படத்தை எடுத்து, டெல்லி சாலை என்று பாஜக ஆதரவாளர்களும், கள்ளக்குறிச்சி சாலை என்று திமுக ஆதரவாளர்களும் போட்டி போட்டுக் கொண்டு, வதந்தி பரப்புகிறார்கள்.  

எனவே, நாம் ஆய்வுக்கு எடுத்துக் கொண்ட தகவல் தவறானது, என்று சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram