பாகிஸ்தான் கொடியை எரித்த கேரள மக்கள் என்று பரவும் வீடியோ உண்மையா?

‘’பாகிஸ்தான் கொடியை எரித்த கேரள மக்கள்,’’ என்று கூறி, சமூக வலைதளங்களில் பகிரப்படும் ஒரு வீடியோ பற்றி ஆய்வு மேற்கொண்டோம்.

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர்.

இதில், ‘’ கேரளாவில் நடந்த சிறப்பான சம்பவம்

பாக்கிஸ்தான் கோடியை எரித்து போராட்டம்

வீர கேரளாவில் தற்போது..,’’ என்று எழுதப்பட்டுள்ளது.

இதனுடன் பாகிஸ்தானுக்கு எதிராகக் கோஷமிட்டவாறு, பாகிஸ்தான் தேசியக் கொடியை சிலர் தீயிட்டு எரிப்பது போன்ற காட்சிகளுடன் கூடிய வீடியோ ஒன்றும் இணைக்கப்பட்டுள்ளது.

Claim Link 1 l Claim Link 2 l Claim Link 3

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்து வருகின்றனர்.

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். குறிப்பிட்ட வீடியோவில் Indian Express லோகோ இடம்பெற்றுள்ளதைக் கண்டோம். இதன் அடிப்படையில், தகவல் தேடியபோது, இதற்கும் கேரளாவுக்கும் எந்த தொடர்பும் இல்லை என்று தெரியவந்தது.

இதன்படி, சமீபத்தில் நடைபெற்ற Pahalgam தீவிரவாத தாக்குதலை கண்டித்து, Dogra Front என்ற அமைப்பு ஜம்மு காஷ்மீரில் போராட்டம் நடத்தியது. அப்போது, பாகிஸ்தானுக்கு எதிராக முழக்கமிட்ட போராட்டக்குழு, அந்நாட்டு தேசியக் கொடியை தீயிட்டு, எரித்தது. இந்த வீடியோவை எடுத்து, கேரள மக்கள் இவ்வாறு போராட்டம் நடத்தியதாகவும், தமிழ்நாட்டு திமுக அரசு இதுபோன்ற போராட்டங்களை செய்ய அனுமதிக்கவில்லை எனவும் குறிப்பிட்டு, சமூக வலைதளங்களில் வதந்தி பரப்புகிறார்கள்.

கூடுதல் செய்தி ஆதாரம்…

ANI News l Jammu Links News l Rising Kashmir l First Post

இவற்றின் அடிப்படையில், ஜம்மு காஷ்மீரில் நடைபெற்ற போராட்டம் ஒன்றின் வீடியோவை எடுத்து, கேரளாவில் நடந்தது போன்று சித்தரித்து, வேண்டுமென்றே வதந்தி பரப்புகிறார்கள், என்று சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.