அதிமுக நிர்வாகிகள் அதிருப்தியில் உள்ளது உண்மைதான் என்று செங்கோட்டையன் கூறினாரா?

‘’அதிமுக நிர்வாகிகள் அதிருப்தியில் உள்ளது உண்மைதான்,’’ என்று செங்கோட்டையன் கூறியதாக, சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’ அதிமுக நிர்வாகிகள் அதிருப்தி. பாஜகவுடன் கூட்டணியால் அதிமுகவில் நிர்வாகிகள் பலரும் அதிருப்தியில் உள்ளது உண்மை தான் – அதிமுக முன்னாள் அமைச்சர் செங்கோட்டையன்,’’ என்று எழுதப்பட்டுள்ளது.  

Claim Link 1 l Claim Link 2  

News18 TamiNadu லோகோ உள்ளதால், பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்து வருகின்றனர். 

உண்மை அறிவோம்:

பெரும் எதிர்பார்ப்புக்கு இடையே அதிமுக மூத்த தலைவர் அன்வர் ராஜா, அக்கட்சியில் இருந்து விலகி, திமுக.,வில் இணைந்தார். இதைத்தொடர்ந்து, அதிமுக.,வை சேர்ந்த மூத்த தலைவர்கள் பலர் திமுக.,வில் இணையக்கூடும் என்று எதிர்பார்க்கப்படுகிறது. 

இத்தகைய சூழலில்தான், அதிமுக மூத்த நிர்வாகி கே.ஏ.செங்கோட்டையன், பாஜக.,வுடன் தங்களது கட்சி கூட்டணி வைத்தது பற்றி அதிருப்தி தெரிவித்ததாகக் கூறி, மேற்கண்ட வகையில் சிலர் சமூக வலைதளங்களில் செய்தி பரப்புகிறார்கள். 

ஆனால், இந்த நியூஸ்கார்டை  நியூஸ் 18 தமிழ்நாடு ஊடகம் வெளியிடவில்லை. இதுதொடர்பாக, அவர்களது ஆசிரியர் குழுவினரிடம் பேசி உறுதிப்படுத்தியுள்ளோம். மேலும், இதுபற்றி நியூஸ் 18 தமிழ்நாடு ஊடகம் தரப்பில் அதிகாரப்பூர்வமாக, மறுப்பு தெரிவிக்கப்பட்டுள்ளது. அதனையும் ஆதாரத்திற்காக, இங்கே இணைத்துள்ளோம். 

அடுத்தப்படியாக, கே.ஏ.செங்கோட்டையன் அலுவலகத்தை தொடர்கொண்டு பேசி, இது போலியான செய்தி, என்பதை உறுதிப்படுத்தியுள்ளோம். 

எனவே, நாம் ஆய்வுக்கு எடுத்துக் கொண்ட நியூஸ்கார்டு, உண்மையானதல்ல, என்று சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram