கர்நாடக வங்கியில் கன்னடம் பேசிய இஸ்லாமிய பெண்ணுக்கு அனுமதி மறுக்கப்பட்டதா?

‘’கர்நாடக வங்கியில் கன்னடம் பேசிய இஸ்லாமிய பெண்ணுக்கு அனுமதி மறுக்கப்பட்டது,’’ என்று கூறி, சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம்.

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர்.

இதில், ‘’ கர்நாடக வங்கியில் பணவர்தனை செய்ய ஒரு இஸ்லாமிய பெண்மணி வந்துள்ளார் அவர் கன்னட மொழியில் வங்கி பெண் அலுவலரிடம் பேசியுள்ளார். ஆனால் வங்கி பெண் ஊழியரோ கன்னடத்தில் பேசாதே ஹிந்தியில் பேசு என வாக்குவாதத்தில் ஈடுபடும் காட்சி.,’’ என்று எழுதப்பட்டுள்ளது.

Claim Link 1 l Claim Link 2

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது.

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். அப்போது, இந்த வீடியோவின் ஆடியோ எடிட் செய்யப்பட்டுள்ளது, என்று தெரியவந்தது.

இதன்படி, மேற்கண்ட வீடியோவில் புர்கா அணிந்த இஸ்லாமிய பெண்தான் இந்தியில் பேசுகிறார்; மற்றொரு பெண் அவரை கன்னடத்தில் பேச சொல்கிறார். இதன்போது இருவருக்கும் இடையே வாக்குவாதம் ஏற்பட்டுள்ளது. ஆனால், ஆடியோவை மாற்றி எடிட் செய்து, கர்நாடக வங்கியில் பணவர்த்தனை செய்ய சென்ற இஸ்லாமிய பெண்மணி கன்னடம் பேசியதை வங்கி அதிகாரி கண்டித்ததாகக் கூறி, வதந்தி பரப்புகிறார்கள்.

அடுத்தப்படியாக, இந்த சம்பவம் நிகழ்ந்தது மெட்ரோ நிலையத்தில்; வங்கியில் நடக்கவில்லை.

மேலும், வீடியோவில் காணப்படும் இரண்டு பெண்களும் மெட்ரோ பயணிகள். வங்கி அலுவலரோ, வாடிக்கையாளரோ இல்லை.

இதுதொடர்பாக, பல்வேறு ஊடகங்களிலும் ஏற்கனவே செய்தி வெளியாகியுள்ளது.

Hindustan Times l Deccan Herald l Financial Express

எனவே, நாம் ஆய்வுக்கு எடுத்துக் கொண்ட வீடியோவின் ஆடியோ எடிட் செய்யப்பட்டுள்ளது என்றும், குறிப்பிட்ட இஸ்லாமிய பெண்தான் இந்தியில் பேசுகிறார் என்றும், சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.

எங்களது சமூக வலைதள பக்கங்களை பின்தொடர…

Facebook Page I Twitter Page I Google News Channel I Instagram