திமுக எம்எல்ஏ.,க்கள் தோல உரிச்சு தொங்க விட்ருவேன் என்று பவன் கல்யாண் கூறினாரா?

‘’திமுக எம்எல்ஏ.,க்கள் தோல உரிச்சு தொங்க விட்ருவேன்,’’ என்று பவன் கல்யாண் கூறியதாக, சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’ “எத்தனை திமுக எம்எல்ஏ-க்கள் வர்றீங்களோ வாங்க, தோல உரிச்சு தொங்க விட்ருவேன்”
– ஆந்திர துணைமுதல்வர் பவன் கல்யாண் அவர்கள்⚡🔥,’’ என்று எழுதப்பட்டுள்ளது. 

Claim Link 1 l Claim Link 2 

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது.

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். குறிப்பிட்ட வீடியோவை முழுவதும் பார்த்தபோது, இந்த வீடியோவின் எந்த காட்சியிலும், திமுக என்ற வார்த்தையை பவன் கல்யாண் கூறவே இல்லை, என்று தெரியவந்தது. 

கடந்த 2022ம் ஆண்டு, மங்களகிரியில் உள்ள ஜன சேனா கட்சி அலுவலகத்தில் நடைபெற்ற பொதுக்கூட்டம் ஒன்றில் பவன் கல்யாண் பேசினார். அப்போது, ஒய்.எஸ்.ஆர். காங்கிரஸ் கட்சியினர் தன் மீது பரப்பும் வதந்திகளுக்கு பதில் கூறும் வகையில், ‘நேரில் வந்து மோதுங்கள்’ என்று சவால் விடுத்தார். 

இதுபற்றி 2022-ம் ஆண்டே பல்வேறு ஊடகங்களும் செய்தி வெளியிட்டுள்ளன. 

Navbharat Times l MJ Talkies l India Glitz l RTV 

எனவே, 2022ம் ஆண்டு ஒய்.எஸ்.ஆர். காங்கிரஸ் கட்சியினர் பற்றி, பவன் கல்யாண் பேசிய வீடியோ ஒன்றை எடுத்து, திமுக எம்எல்ஏ.,க்களுக்கு அவர் சவால் விட்டதாகக் கூறி, சமூக வலைதளங்களில் வதந்தி பரப்புகிறார்கள், என்று சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram