‘உல்லாச உலகில் உதய்’ என்று நக்கீரன் இதழ் செய்தி வெளியிட்டதா?

‘’உல்லாச உலகில் உதய்’’, என்று நக்கீரன் இதழ் செய்தி வெளியிட்டதாகக் கூறி, சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’ பிட்டு புத்தகம் நக்கீரன் . உல்லாச உலகில் உதய்? பதற வைத்த உதயாவின் இன்ஸ்டா ரி ட்விட்,’’ என்று எழுதப்பட்டுள்ளது. 

Claim Link 1 l Claim Link 2   

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது.

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். அப்போது, இதுபோன்ற எந்த செய்தியும் நக்கீரன் இதழ் வெளியிடவில்லை, என்று தெரியவந்தது. 

கூடுதல் ஆதாரத்திற்காக, நக்கீரன் ஆசிரியர் குழுவிலும் பேசி உறுதிப்படுத்தியுள்ளோம். 

விஜய் கரூர் சென்றபோது ஏற்பட்ட கூட்ட நெரிசலில் சிக்கி, 40க்கும் மேற்பட்டோர் பலியான சம்பவம் உலக அளவில் சர்ச்சை ஏற்படுத்தியுள்ளது. இந்த நிகழ்வு பற்றி தொடர்ச்சியாக, நக்கீரன் ஊடகம் செய்தி வெளியிட்டு வருகிறது. இதற்குப் பதில் தரும் வகையில் விஜய் ஆதரவாளர்கள் மேற்கண்டவாறு போலி செய்தி தயாரித்து, சமூக வலைதளங்களில் வதந்தி பரப்புகிறார்கள்.  

எனவே, நாம் ஆய்வுக்கு எடுத்துக் கொண்ட தகவல், நக்கீரன் பெயரில் பரவும் வதந்தி, என்று சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram