‘குருமூர்த்தி சொல்வதில் உண்மையில்லை’ என்று ரஜினிகாந்த் கருத்து தெரிவித்தாரா?

‘’குருமூர்த்தி சொல்வதில் உண்மையில்லை’’ என்று ரஜினிகாந்த் கூறியதாக, சமூக வலைதளங்களில் பகிரப்படும் ஒரு புகைப்படம் பற்றி ஆய்வு செய்தோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

one india tamil லோகோவுடன் உள்ள இந்த நியூஸ் கார்டில், ‘’குருமூர்த்தி சொல்வதில் உண்மையில்லை – முதல்வர் பதவி குறித்தோ அண்ணாமலை குறித்தோ ஆடிட்டர் குருமூர்த்தியுடன் எப்போதும் விவாதித்தது இல்லை. அவரது கருத்து மிகவும் ஆச்சரியத்தை அளிக்கிறது – நடிகர் ரஜினிகாந்த் பேட்டி,’’ என்று எழுதப்பட்டுள்ளது.  

பலரும் உண்மை என நம்பி, இதனை ஷேர் செய்து வருகின்றனர்.  

உண்மை அறிவோம்:

சில வாரம் முன்பாக நடைபெற்ற துக்ளக் விழாவில் பேசிய ஆடிட்டர் குருமூர்த்தி ”அண்ணாமலைதான் அடுத்த முதல்வர் ” என்று தன்னிடம் ரஜினிகாந்த் கூறியதாகக் குறிப்பிட்டார். 

குருமூர்த்தியின் பேச்சு பல்வேறு தரப்பிலும் பெரும் சர்ச்சையை ஏற்படுத்தியது.

இந்த சூழலில் நடிகர் ரஜினிகாந்த் இதுதொடர்பாக மறுப்பு கூறியதாகக் குறிப்பிட்டு சிலர் தகவல் பரப்புகின்றனர். ஆனால், இவ்வாறு one india tamil எந்த செய்தியும் வெளியிடவில்லை. 

இதுதொடர்பாக அவர்களது ஆசிரியர் குழுவிடம் பேசி உறுதிப்படுத்தியுள்ளோம். 

எனவே, ரஜினிகாந்த் பேசாத ஒன்றை குறிப்பிட்டு, one india tamil பெயரில் வதந்தி பரப்பியுள்ளனர் என்று சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram