பாமக மகளிர் மாநாட்டில் அன்புமணியை கேலி செய்து போஸ்டர் காட்டப்பட்டதா?

Altered சமூக ஊடகம் | Social தமிழ்நாடு | Tamilnadu

‘’பாமக மகளிர் மாநாட்டில் அன்புமணியை கேலி செய்து போஸ்டர் காட்டப்பட்டது,’’ என்று கூறி, சமூக வலைதளங்களில் பகிரப்படும் ஒரு புகைப்படம் பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’ அடேய் 😁😁 IF YOU ARE BAD IAM YOUR DAD 🔥🔥

#அய்யாவின்_மகளிர்மாநாடு #DrAyya4_WomensRights,’’ என்று எழுதப்பட்டுள்ளது. இதனுடன் பாமக தொண்டர்கள் சிலர் ராமதாஸ்க்கு ஆதரவாக போஸ்டர் ஒன்றை கையில் ஏந்தியபடி நிற்பது போன்ற புகைப்படம் ஒன்றும் இணைக்கப்பட்டுள்ளது.   

Claim Link 1 l Claim Link 2 

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது. 

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். முதலில், நாம் இதுதொடர்பாக பாமக தலைவர் ஜி.கே.மணி அலுவலகத்தை தொடர்புகொண்டு விசாரித்தோம். அவர்கள், ‘’இது எடிட் செய்யப்பட்ட புகைப்படம், இதுபோன்ற பேனர், போஸ்டர் எதுவும் பூம்புகாரில் நடைபெற்ற பாமக மகளிர் மாநாட்டில் காட்டப்படவில்லை,’’ என்று தெரிவித்தனர். 

அடுத்தப்படியாக, குறித்த புகைப்படம் உண்மையா என்று தேடியபோது, இது எடிட் செய்யப்பட்ட படம், என்பதற்கான ஆதாரம் கிடைத்தது. 

FB Post 1 l FB Post 2 

உண்மையான புகைப்படத்தையும், நாம் ஆய்வுக்கு எடுத்துக் கொண்ட புகைப்படத்தையும் ஒப்பீடு செய்து, கீழே இணைத்துள்ளோம். 

தற்சமயம், பாமக.,வில் ராமதாஸ்க்கும், அவரது மகன் அன்புமணிக்கும் இடையே மோதல் வெடித்துள்ளது. யார் தலைமையில் பாமக இயங்க வேண்டும் என்று இருவரும் விட்டுக் கொடுக்காமல், கருத்து மோதலில் ஈடுபட்டுள்ளனர். இத்தகைய சூழலில், பூம்புகாரில், பாமக மகளிர் அணி மாநாட்டை, ராமதாஸ் தனியாக நடத்தியுள்ளார். அந்த மாநாட்டில் அன்புமணி பங்கேற்கவில்லை. மறுபுறம், அன்புமணி ஆதரவு திரட்டும் பேரணி நடத்தி வருகிறார். இதனால், உண்மையான பாமக தலைமை யார் என்ற கேள்வி எழுந்துள்ளது. இத்தகைய சூழலில், IF YOU THINK YOU ARE BAD I AM YOUR DAD என்ற புகைப்படத்தை ராமதாஸ் ஆதரவாளர்கள் காட்டியதாக, சமூக வலைதளங்களில் வதந்தி பரப்புகிறார்கள். 

எனவே, நாம் ஆய்வுக்கு எடுத்துக் கொண்ட புகைப்படம், உண்மையானதல்ல, என்று சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram

Avatar

Title:பாமக மகளிர் மாநாட்டில் அன்புமணியை கேலி செய்து போஸ்டர் காட்டப்பட்டதா?

Fact Check By: Pankaj Iyer  

Result: Altered

Leave a Reply