நம்பிக்கை தரும் தமிழ் நடிகர்களில் பிரதீப் ரங்கநாதன் முதலிடம் என்று தந்தி டிவி செய்தி வெளியிட்டதா?

‘’நம்பிக்கை தரும் தமிழ் நடிகர்களில் பிரதீப் ரங்கநாதன் முதலிடம்,’’ என்று தந்தி டிவி செய்தி வெளியிட்டதாகக் கூறி, சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம்.

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர்.

இதில், ‘’ தமிழ் சினிமாவின் அடுத்த தலைமுறை ஹீரோக்களில் யார் நம்பிக்கை தருகிறார்கள். தந்தி டிவி நடத்திய டிஜிட்டல் சர்வே முடிவு. பிரதீப் ரங்கநாதன் 55.5% வாக்குகள் பெற்று முதலிடம்,’’ என்று எழுதப்பட்டுள்ளது.

Claim Link

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது.

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். அப்போது, இதில் கூறப்படுவது போன்று பிரதீப் ரங்கநாதன் 55.5% வாக்குகளுடன் முதலிடம் என்று குறிப்பிட்டு, தந்தி டிவி செய்தி வெளியிடவில்லை, என்று தெரியவந்தது. மாறாக, சிவகார்த்திகேயன் 55.5% வாக்குகள் பெற்று முதலிடத்தில் உள்ளதாகக் குறிப்பிடப்பட்டுள்ளது.

இதன்படி, சிவகார்த்திகேயன் 55.5% வாக்குகள் பெற்று முதலிடத்திலும், பிரதீப் ரங்கநாதன் 22.1% வாக்குகள் பெற்று இரண்டாவது இடத்திலும், அசோக் செல்வன் 5.8% வாக்குகள் மற்றும் துருவ் விக்ரம் 16.5% வாக்குகள் பெற்று, அடுத்தடுத்த இடங்களிலும் உள்ளனர்.

கூடுதல் செய்தி ஆதாரம் இதோ…

இதுபற்றி தந்தி டிவி ஆசிரியர் குழுவிலும் பேசி, உறுதிப்படுத்தியுள்ளோம்.

எனவே, நாம் ஆய்வுக்கு எடுத்துக் கொண்ட நியூஸ் கார்டு, எடிட் செய்யப்பட்ட ஒன்று, என சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.