உத்தரப் பிரதேசத்தில் மதம் மாறிய தலித்கள் மீது உயர் சாதி முஸ்லீம்கள் தாக்குதல் நடத்தினரா?

‘’உத்தரப் பிரதேசத்தில் மதம் மாறிய தலித்கள் மீது உயர் சாதி முஸ்லீம்கள் தாக்குதல்’’, என்று கூறி, சமூக வலைதளங்களில் பகிரப்படும் ஒரு தகவல் பற்றி ஆய்வு செய்தோம்.

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர்.

இதில் ‘’ அரே பில்லா...துலுக்கத்துக்கு வந்த சோதனை...இந்து மதத்தில் ஜாதிய கொடுமைகள் இருப்பதால் முஸலீமாக மதம் மாறினால் பாய் என்றும் பாயம்மானு கூப்பிடுவாங்கனு தெருமா சொன்னதை நம்பி மதம் மாறிய தலித்துகள் கீழ்ஜாதி மேல்ஜாதி என் அடித்துக்கொள்ளும் அற்புதமான தலித் முசுலீம் ஜாதி சண்டையை பாரீர்...,’’ என்று எழுதப்பட்டுள்ளது.

Claim Link l Archived Link

பலரும் இதனை உண்மை என நம்பி, ஃபேஸ்புக், எக்ஸ் உள்ளிட்ட சமூக வலைதளங்களில் ஷேர், கமெண்ட் செய்து வருகின்றனர்.

உண்மை அறிவோம்:

குறிப்பிட்ட வீடியோவில் இருந்து ஒரு ஃபிரேமை பிரித்தெடுத்து, கூகுள் உதவியுடன் ரிவர்ஸ் இமேஜ் தேடல் செய்தோம். அப்போது, இந்த வீடியோ சமீபத்தில் உத்தரப் பிரதேச மாநிலம், Moradabad பகுதியில் உள்ள மசூதி ஒன்றில் எடுக்கப்பட்டது, என்று தெரியவந்தது.

இதன்படி, Moradabad - Pakbara police station, Umri Sabjipur village மசூதி ஒன்றில் தொழுகைக்காக வந்த இளைஞர்களுக்குள் வாக்குவாதம் ஏற்பட்டுள்ளது. நேரம் செல்ல செல்ல அது கோஷ்டி மோதலாக மாற, ஒருவரை ஒருவர் சராமரியாக தாக்கிக் கொண்டதாக, தெரிகிறது. இதில், தலித் என்றோ, உயர் சாதி என்றோ பாகுபாடு வைத்துக் கொண்டு அவர்கள் மோதிக் கொண்டதாக, எந்த தகவலும் கிடைக்கப் பெறவில்லை. இதுபற்றி சம்பந்தப்பட்ட போலீசாரிடமும் பேசி உறுதிப்படுத்தியுள்ளோம்.

Aajtak link l Zee News l Dainik Bhaskar l Clarion India

தலித் என்பதற்காக, யாரும் இவ்வாறு தாக்கப்படவில்லை. இவர்கள் மதம் மாறிய இந்துக்களும் இல்லை. முஸ்லீம்களுக்குள் ஏற்பட்ட கோஷ்டி மோதல் மட்டுமே இதற்கான காரணம். மற்றபடி வேறு காரணம் எதுவும் இல்லை.

எனவே, நாம் ஆய்வுக்கு எடுத்துக் கொண்ட தகவல் தவறான ஒன்று என சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.

எங்களது சமூக வலைதள பக்கங்களை பின்தொடர…

Facebook Page I Twitter Page I Google News Channel I Instagram