‘பிளாக் டிக்கெட் விற்று சம்பாதித்தவன் நான்’ என்று விஜய் கூறினாரா?

‘’சொந்த ரசிகன்கிட்டயே பிளாக் டிக்கெட் வித்து சுரண்டி சம்பாரிச்ச எனக்கு எவ்ளோ இருக்கும்,’’ என்று நாகை பிரச்சாரத்தில் விஜய் பேசியதாக, சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம்.

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர்.

இதில், ‘’ சொந்த ரசிகன்கிட்டயே பிளாக் டிக்கெட் வித்து சுரண்டி சம்பாரிச்ச எனக்கு எவ்ளோ இருக்கும்,’’ என்று எழுதப்பட்டுள்ளது. இதனுடன் விஜய் பேசுவது போன்ற வீடியோ ஒன்றும் இணைக்கப்பட்டுள்ளது.

Claim Link 1 l Claim Link 2 l Claim Link 3

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது.

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். அப்போது, இது ஆடியோ எடிட் செய்யப்பட்ட வீடியோ, என்று தெரியவந்தது. இதுபற்றி த.வெ.க., தலைமைக் கழக அலுவலகத்தை தொடர்புகொண்டு கேட்டபோது, ‘’எங்கள் கழகத் தலைவர் விஜய் பற்றி எதிர்க்கட்சியினர் வேண்டுமென்றே அரசியல் உள்நோக்கத்துடன் இதுபோன்று எடிட் செய்து, சமூக வலைதளங்களில் வதந்தி பரப்புகிறார்கள்,’’ என்று தெரிவித்தனர்.

இதேபோன்று, த.வெ.க., பொதுச் செயலாளர் என்.ஆனந்த் அலுவலகத்திலும் பேசி, குறித்த புகைப்படம் உண்மையானதல்ல, என்று உறுதிசெய்துள்ளோம்.

அடுத்தப்படியாக, தொடர்ந்து, உண்மையான வீடியோ காட்சியை பார்வையிட்டோம். அதில், ‘’குடும்பத்தை வைத்து கொள்ளை அடிக்கின்ற உங்களுக்கே இவ்வளவு இருந்தால், சொந்தமாக உழைத்து சம்பாதித்த எனக்கு எவ்வளவு இருக்கும்,’’ என்றுதான் விஜய் பேசியுள்ளார்.

கூடுதல் செய்தி ஆதாரம் இதோ…

Vikatan TV l NewsTamil 24X7

இதன்படி, ‘சொந்தமாக உழைத்து சம்பாதித்த எனக்கு எவ்வளவு இருக்கும்’ என்று விஜய் பேசியதை எடிட் செய்து, ‘சொந்த ரசிகன்கிட்டயே பிளாக் டிக்கெட் வித்து சுரண்டி சம்பாரிச்ச எனக்கு எவ்ளோ இருக்கும்,’ என்று அவர் சொன்னதாக, அரசியல் உள்நோக்கத்துடன் வதந்தி பரப்புகிறார்கள்.

எனவே, நாம் ஆய்வுக்கு எடுத்துக் கொண்ட வீடியோவின் ஆடியோ எடிட் செய்யப்பட்டுள்ளது, என்று சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.