‘’தமிழ்நாட்டின் அடுத்த முதல்வருக்கான பந்தயத்தில் 36% ஆதரவுடன் அன்புமணி ராமதாஸ்,’’ என்று கூறி, சமூக வலைதளங்களில் பகிரப்படும் ஒரு நியூஸ்கார்டு பற்றி ஆய்வு மேற்கொண்டோம்.
தகவலின் விவரம்:
இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர்.
இதில், ‘’ அடுத்த முதல்வருக்கான பந்தயம்- 2வது இடத்தில் DMK
தமிழ்நாட்டின் அடுத்த முதல்வருக்கான பந்தயத்தில் 36% ஆதரவுடன் மருத்துவர் அன்புமணி ராமதாஸ் அவர்கள்.
18% பேரில் ஆதரவைப் பெற்று தவெக தலைவர் விஜய் 3வது இடம் பிடித்துள்ளார்; எதிர்க்கட்சித் தலைவர் எடப்பாடி பழனிசாமி 10% ஆதரவுடன் 5வது இடம்; பாஜக மாநிலத் தலைவர் அண்ணாமலை 9% ஆதரவுடன் 5வது இடத்தில் உள்ளார் – சி-வோட்டர் நடத்திய கருத்துக்கணிப்பில் தகவல்,’’ என்று எழுதப்பட்டுள்ளது.
புதிய தலைமுறை லோகோ உள்ளதால், பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்து வருகின்றனர்.
உண்மை அறிவோம்:
மேற்கண்ட தகவல் உண்மையா என்று நாம் ஆய்வு மேற்கொண்டோம். அப்போது, இது ஒரு எடிட் செய்யப்பட்ட நியூஸ்கார்டு என்று தெரியவந்தது.
ஆம், புதிய தலைமுறை வெளியிட்ட நியூஸ்கார்டில், தமிழ்நாட்டின் அடுத்த முதல்வருக்கான பந்தயத்தில் 27% ஆதரவுடன் முதல்வர் மு.க.ஸ்டாலின் முதலிடம், என்றே குறிப்பிடப்பட்டுள்ளது. இதில், அன்புமணி பெயர் எந்த இடத்திலும் காணவில்லை.
உண்மையான நியூஸ்கார்டையும், நாம் ஆய்வுக்கு எடுத்துக் கொண்ட நியூஸ் கார்டையும் ஒப்பீடு செய்து, கீழே இணைத்துள்ளோம்.
கூடுதல் ஆதாரத்திற்காக, சி வோட்டர் வெளியிட்ட கருத்துக் கணிப்பு முடிவையும், கீழே இணைத்துள்ளோம்.
எனவே, நாம் ஆய்வுக்கு எடுத்துக் கொண்ட நியூஸ்கார்டு, எடிட் செய்யப்பட்ட ஒன்று, என சந்தேகமின்றி உறுதி செய்யப்படுகிறது.
முடிவு:
உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.
எங்களது சமூக வலைதள பக்கங்களை பின்தொடர…
Facebook Page I Twitter PageI Google News Channel I Instagram
Title:தமிழ்நாட்டின் அடுத்த முதல்வருக்கான பந்தயத்தில் அன்புமணி ராமதாஸ் என்ற செய்தி உண்மையா?
Written By: Pankaj IyerResult: Altered
