இந்தியாவில் தயாராகும் ஜம் ஜம் தண்ணீர் என்று பரவும் வீடியோ உண்மையா?

‘’இந்தியாவில் கலப்பட முறையில் தயாராகும் ஜம் ஜம் தண்ணீர்’’, என்று கூறி, சமூக வலைதளங்களில் பகிரப்படும் ஒரு வீடியோ பற்றி ஆய்வு மேற்கொண்டோம்.

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர்.

இதில், ‘’இந்த 5 லிட்டர் ஜம் ஜம் தண்ணீர் இங்கு இந்தியாவில் தயாராகின்றன…نعوذ بالله அல்லாஹ் பாதுகாக்க வேண்டும்…,’’ என்று எழுதப்பட்டுள்ளது.

இதனுடன் பிளாஸ்டிக் கேன்களில் தண்ணீர் பிடித்து, கலந்து, பேக்கிங் செய்வது போன்ற காட்சிகள் கொண்ட ஒரு வீடியோ இணைக்கப்பட்டுள்ளது.

Claim Link 1 l Claim Link 2

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்து வருகின்றனர்.

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். அப்போது, இது வேண்டுமென்றே மதக்கலவரம் ஏற்படுத்தும் நோக்கில் பகிரப்படும் ஒரு வதந்தி, என்று தெரியவந்தது.

ஆம், கடந்த 2017ம் ஆண்டு சௌதி அரேபியாவில் நிகழ்ந்த சம்பவம் ஒன்று தொடர்பான வீடியோவை எடுத்து, இந்தியாவில் நடந்தது போன்று குறிப்பிட்டு, தற்போது வதந்தி பரப்புகிறார்கள்.

முஸ்லீம் மக்கள், புனித நீராகக் கருதும் Zamzam water பெயரில் தொழிற்சாலை ஒன்றை நிறுவி, அதில் கலப்பட நீரை கலந்து விற்றதாக, ஒருவர் 2017ம் ஆண்டு சௌதியில் கைது செய்யப்பட்டார். அந்த வீடியோவை எடுத்தே, புதியதுபோன்று தற்போது பரப்புகிறார்கள். இதுபற்றி சௌதி போலீசார் ஏற்கனவே விளக்கம் அளித்து, X வலைதள பக்கத்தில் பதிவு ஒன்றையும் வெளியிட்டுள்ளனர்.

فيديو..
الدوريات الأمنية تقبض على وافد يدير مصنعًا لتوزيع وبيع مياه #زمزم مغشوشة بطريقة احترافية. pic.twitter.com/BQ9Wvn6qs2
— أخبار السعودية (@SaudiNews50) July 15, 2017

கூடுதல் செய்தி ஆதாரம் இதோ…

Link 1 l Link 2

எனவே, நாம் ஆய்வுக்கு எடுத்துக் கொண்ட வீடியோ இந்தியாவில் எடுக்கப்பட்டது இல்லை, என்று சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.