நடிகர் விஜய் வெளிநாடு இன்ப சுற்றுலா சென்றாரா?

‘’வெளிநாடு இன்ப சுற்றுலா சென்ற நடிகர் விஜய்,’’ என்று கூறி, சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம்.

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர்.

இதில், ‘’கரூர் இறப்புகள் குறித்து துளியும் கவலை இல்லாமல் வெளிநாடு இன்ப சுற்றுலா சென்றிருக்கிறார் நடிகர் ஜோசப் விஜய் 😡,’’ என்று எழுதப்பட்டுள்ளது.

Claim Link 1 l Claim Link 2

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது.

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். அப்போது, இது 2023ம் ஆண்டு எடுக்கப்பட்ட புகைப்படம், என்று தெரியவந்தது.

இதன்படி, கடந்த 2023ம் ஆண்டு Spice Jet Airlines விமானத்தில் விஜய் மற்றும் த்ரிஷா பயணம் மேற்கொண்டபோது எடுக்கப்பட்ட புகைப்படத்தை, எடிட் செய்து, புதிய படம் போன்று குறிப்பிட்டு வதந்தி பகிரப்படுவது, நமக்கு தெளிவாகிறது.

கூடுதல் செய்தி ஆதாரம் இதோ…

Hindustan Times Tamil

எனவே, லியோ படப்பிடிப்பு சமயத்தில் எடுக்கப்பட்ட புகைப்படத்தை வைத்து, வேண்டுமென்றே அரசியல் உள்நோக்கத்துடன் வதந்தி பரப்புகிறார்கள், என்று சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.