சிபிஐ விசாரணைக்கு நடுவே பொங்கல் கொண்டாடிய விஜய் என்று பரவும் வீடியோ தற்போது எடுக்கப்பட்டதா?

‘‘சிபிஐ விசாரணைக்கு நடுவே பொங்கல் கொண்டாடிய விஜய்’’, என்று கூறி, சமூக வலைதளங்களில் பகிரப்படும் ஒரு வீடியோ பற்றி ஆய்வு மேற்கொண்டோம்.

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர்.

இதில், ‘’ இதுக்கு தான் சிபிஐயிடம் லீவு கேட்டியா,
கீர்த்தி சுரேஷ் உடன் பொங்கல் கொண்டாடும் விஜய்….,’’ என்று எழுதப்பட்டுள்ளது. இதனுடன், கீர்த்தி சுரேஷ் மற்றும் விஜய் உள்ளிட்டோர் பொங்கல் கொண்டாடுவது போன்ற காட்சிகள் கொண்ட வீடியோ இடம்பெற்றுள்ளது.

Claim Link 1 l Claim Link 2

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது.

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். அப்போது, குறிப்பிட்ட வீடியோ கடந்த 2025ம் ஆண்டு பொங்கல் பண்டிகையின்போது எடுக்கப்பட்டது, என்று தெரியவந்தது.

இதன்படி, நடிகை கீர்த்தி சுரேஷ், அவரது கணவருடன் கடந்த 2025ம் ஆண்டு, தல பொங்கல் கொண்டாடினார். இந்த விழாவில் விஜய் கலந்துகொண்டார். இதுதொடர்பான புகைப்படங்கள், வீடியோ மற்றும் செய்தி அப்போது ஊடகங்களில் வெளியிடப்பட்டுள்ளன. அத்தகைய வீடியோ ஒன்றை எடுத்துதான் தற்போது சமூக வலைதளங்களில் தவறாக, பரப்புகின்றனர்.

கூடுதல் செய்தி ஆதாரம் இதோ…

Maalaimalar Link l Filmibeat Tamil l Dailythanthi l Behindwoods

நடப்பாண்டு (2026) பொங்கல் பண்டிகையை கீர்த்தி சுரேஷ் கொண்டாடியதாக, ஊடகங்களில் செய்தி வெளியாகியுள்ளது. அதனையும் கீழே ஆதாரத்திற்காக இணைத்துள்ளோம்.

Link 1 l Link 2

கூடுதல் ஆதாரத்திற்காக, தவெக., தலைமை அலுவலகத்திலும் பேசி, உறுதிப்படுத்தியுள்ளோம்.

எனவே, பழைய வீடியோவை புதியது போன்று குறிப்பிட்டு, தற்போதைய அரசியலுடன் தொடர்புபடுத்தி, வதந்தி பரப்புகிறார்கள், என்று சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.