‘விமானம் வாங்கிய காளியம்மாள்’ என்று பரவும் விஷம புகைப்படம்!

பிரசாரத்திற்கு நாம் தமிழர் கட்சியின் காளியம்மாள் வாங்கிய விமானம் என்று ஒரு புகைப்படம் சமூக ஊடகங்களில் பகிரப்பட்டு வருகிறது. இந்த புகைப்படம் தொடர்பாக ஆய்வு செய்தோம்.

தகவலின் விவரம்:

உண்மைப் பதிவைக் காண: Facebook I Archive

குட்டி விமானத்தின் முன்பாக நாம் தமிழர் கட்சி நிர்வாகி காளியம்மாள் நிற்பது போலவும், விமானத்தில் காளியம்மாள் என்று எழுதப்பட்டிருப்பது போலவும் எக்ஸ் தளத்தில் (ட்விட்டர்) யாரோ போட்ட புகைப்பட பதிவை ஸ்கிரீன்ஷாட் எடுத்து பகிர்ந்துள்ளனர். அதில், “பிரச்சாரத்திற்கு அக்கா வாங்கிய புதிய மினி பிளைட்…

#காளியம்மாள்_சர்வீஸ்” என்று குறிப்பிடப்பட்டிருந்தது. இதை பலரும் ஷேர் செய்து வருகின்றனர்.

உண்மைப் பதிவைக் காண: twitter.com I Archive

உண்மை அறிவோம்:

நாம் தமிழர் கட்சி நிர்வாகி காளியம்மாள் விமானம் வாங்கியதாக நையாண்டிப் பதிவை பலரும் சமூக ஊடகங்களில் பகிர்ந்து வருகின்றனர். இந்த பதிவைப் பார்க்கும் போதே இதை நக்கல், நையாண்டிக்காக வெளியிட்டது போன்று உள்ளது. இந்த புகைப்படத்தை எங்கிருந்து எடுத்து எடிட் செய்தனர் என்று அறிய ஆய்வு செய்தோம்.

உண்மைப் பதிவைக் காண: boldmethod.com I Archive

இந்த புகைப்படத்தைக் கூகுள் ரிவர்ஸ் இமேஜ் தேடலில் பதிவேற்றித் தேடினோம். இந்த புகைப்படத்தைப் பல ஊடகங்களும் 2014ம் ஆண்டில் பதிவிட்டிருந்ததைக் காண முடிந்தது. ஜெர்மனி நாட்டின் ஹனோவர் (Hanover) என்ற ஊரைச் சார்ந்த ஸ்வைன் மார்டின் (Swayne Martin) என்ற தனியார் விமானி என்று நாம் ஆய்வுக்கு எடுத்துக்கொண்ட விமானத்தின் முன்பு விமானி நிற்கும் புகைப்படம் பகிரப்பட்டிருந்தது. ஸ்வைன் மார்டினின் புகைப்படத்தை அகற்றிவிட்ட காளியம்மாள் புகைப்படத்தை வைத்து எடிட் செய்திருப்பது தெரிந்தது.

சிறிய விமானத்தின் முன்பு விமானி நிற்கும் பழைய புகைப்படத்தை எடுத்து, எடிட் செய்து காளியம்மாள் என்று விமானத்தின் மீது பெயரைச் சேர்த்து, காளியம்மாள் நிற்பது போன்று பகிரப்பட்டுள்ள புகைப்படம் உண்மையில்லை என்பது உறுதி செய்யப்பட்டுள்ளது. 

இதன் அடிப்படையில் நாம் ஆய்வுக்கு எடுத்துக்கொண்ட படம் எடிட் செய்யப்பட்டது, தவறானது என்று உறுதி செய்யப்படுகிறது.

முடிவு:

விமானம் வாங்கிய காளியம்மாள் என்று பரவும் புகைப்படம் எடிட் செய்யப்பட்டது என்பதை தகுந்த ஆதாரங்கள் அடிப்படையில் ஃபேக்ட் கிரஸண்டோ தமிழ் உறுதி செய்துள்ளது. எனவே, நமது வாசகர்கள், இத்தகைய தவறான செய்தி, புகைப்படங்கள், வீடியோ போன்றவற்றை உறுதி செய்யாமல் மற்றவர்களுக்குப் பகிர வேண்டாம் என கேட்டுக் கொள்கிறோம். வாசகர்கள் தங்களுக்கு சந்தேகம் என்று தோன்றும் தகவல், பதிவு, புகைப்படம், வீடியோவை எங்களது வாட்ஸ் ஆப் எண்ணிற்கு (+91 9049053770) அனுப்பினால், அதுபற்றி ஆய்வு செய்து உண்மை விவரத்தை வெளியிடுகிறோம்.

சமூக ஊடகங்களில் எங்களை பின் தொடர விரும்பினால்…

Facebook I Twitter I Google News Channel