சாக்‌ஷி மாலிக்கை மிதிக்கும் போலீஸ் என்று பகிரப்படும் புகைப்படம் உண்மையா?

‘’ சாக்‌ஷி மாலிக்கை மிதிக்கும் போலீஸ்’’ என்று கூறி சமூக வலைதளங்களில் பகிரப்படும் ஒரு புகைப்படம் பற்றி ஆய்வு செய்தோம்.

தகவலின் விவரம்:

இதனை வாசகர்கள் நமக்கு வாட்ஸ்ஆப் வழியே (+919049044263 & +919049053770) அனுப்பி, உண்மையா என்று சந்தேகம் கேட்டனர்.

Claim Link l Archived Link

பலரும் இந்த செய்தியை உண்மை என நம்பி, ஷேர், கமெண்ட் செய்து வருகின்றனர்.

உண்மை அறிவோம்:

மல்யுத்த வீராங்கனைகளுக்கு பாலியல் தொல்லை தரப்படுவதாகக் கூறி Brij Bhushan Singh மற்றும் Wrestling Federation of India-க்கு எதிராக Sakshi Malik மற்றும் Bajrang Punia உள்ளிட்ட பலரும் டெல்லியில் தொடர் போராட்டம் மேற்கொண்டுள்ளனர்.

இந்நிலையில், சில நாட்கள் முன்பாக, சாக்‌ஷி மாலிக், பஜ்ரங் பூனியா இருவரும் தங்களது போராட்டத்தை வாபஸ் பெறுவதாக அறிவித்ததாக, ஊடகங்களில் செய்தி பகிரப்பட்டது. ஆனால், இச்செய்தி பரவிய உடனே இதுபற்றி சாக்‌ஷி மாலிக் மறுப்பு ஒன்றை வெளியிட்டார். அதன்படி, நீதி கிடைக்கும் வரை தங்களது போராட்டம் தொடரும் என்றும் அவர் கூறியிருந்தார்.

இதுபற்றி நாமும் செய்தி வெளியிட்டுள்ளோம்.

Fact Crescendo Tamil Link

இந்நிலையில், சாக்‌ஷி மாலிக்கை போலீசார் ஈவு இரக்கம் இன்றி கொடூரமாக கீழே தள்ளி, பூட்ஸ் காலால் மிதிப்பது போன்று சிலர் தகவல் பரப்புகின்றனர். உண்மையில், இந்த புகைப்படத்தில் இருப்பவர் சாக்‌ஷி மாலிக் அல்ல. இவர், ரஞ்சித் சிங் என்பவர் ஆவார். 2021ம் ஆண்டு நடைபெற்ற விவசாயிகள் போராட்டத்தின் போது, போலீசாரை கத்தியால் தாக்கிய காரணத்திற்காக, இந்த நபர் அப்போது கைது செய்யப்பட்டார். அப்போது எடுக்கப்பட்ட படம்தான் இது.

Deccanherald link l timesofindia link

இதுபற்றி பல்வேறு ஊடகங்களிலும் ஏற்கனவே செய்தி வெளியாகியுள்ளது.

மேலும், நமது ஆங்கல மொழிப் பிரிவினர் கூட ஃபேக்ட்செக் ஒன்றை வெளியிட்டுள்ளனர். அந்த லிங்க் கீழே தரப்பட்டுள்ளது.

Fact Crescendo English link

எனவே, தவறான புகைப்படத்தை எடுத்து, ‘சாக்‌ஷி மாலிக் மீது தாக்குதல்’ என்று குறிப்பிட்டு பலரும் வதந்தி பரப்புகிறார்கள் என்று சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram