சீனா சென்ற மோடியை ரஷ்ய அதிபர் புடின் வழியனுப்பி வைத்தாரா?

‘’சீனா சென்ற மோடியை ரஷ்ய அதிபர் புடின் வழியனுப்பி வைத்த காட்சி,’’ என்று கூறி, சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’ நம் இந்தியப் பாரத பிரதமர் திரு மோடி ஜியை வாசல்வரை வந்து வழி அனுப்பிய ரஷ்யா அதிபர் திரு புடின்,’’ என்று எழுதப்பட்டுள்ளது. 

Claim Link 1 l Claim Link 2  

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது. 

உண்மை அறிவோம்:

சமீபத்தில் சீனா சென்ற இந்திய பிரதமர் மோடிக்கு உற்சாக வரவேற்பு அளிக்கப்பட்டது என்று கூறி பாஜக ஆதரவாளர்கள் சமூக வலைதளங்களில் பலவிதமான தகவல்களை பரப்பி வருகின்றனர். 

நாமும் அவைபற்றி அவ்வப்போது ஃபேக்ட்செக் செய்து, கட்டுரை வெளியிட்டு வருகிறோம். அந்த வரிசையில் பகிரப்படும் மற்றொரு வதந்திதான் நாம் ஆய்வுக்கு எடுத்துக் கொண்ட, புடின் மற்றும் மோடி கட்டியணைத்து விடைபெறும் காட்சிகள் கொண்ட வீடியோவும்…

ஆம், குறிப்பிட்ட வீடியோ கடந்த 2024ம் ஆண்டு ஜூலை மாதம் இந்திய பிரதமர் மோடி 2 நாள் சுற்றுப்பயணமாக ரஷ்யா சென்றபோது எடுக்கப்பட்ட ஒன்று. இதுபற்றி அப்போதே ஊடகங்களில் செய்தி வெளியாகியுள்ளது. 

Bloomberg News l The Hindu l PIB Link

எனவே, இந்த வீடியோவுக்கும், சீன அதிபர் Xi Jinping, ரஷ்ய அதிபர் புடின், வடகொரியா அதிபர் கிம் ஜாங் உன், இந்திய பிரதமர் மோடி உள்ளிட்டோர் பங்கேற்ற SCO Summit 2025 நிகழ்வுக்கும் எந்த தொடர்பும் இல்லை. 

கடந்த 2024ம் ஆண்டு மோடி ரஷ்யா சென்றபோது எடுக்கப்பட்ட வீடியோவை தற்போது அவர் சீனா சென்ற நிகழ்வுடன் தொடர்புபடுத்தி, சமூக வலைதளங்களில் வதந்தி பரப்புகிறார்கள், என்று சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram