போப் பிரான்சிஸ் இளம்பெண்களுடன் குளித்தார் என்று பரவும் புகைப்படம் உண்மையா?

‘‘போப் பிரான்சிஸ் இளம்பெண்களுடன் குளித்தார்,’’ என்று சமூக வலைதளங்களில் பகிரப்படும் ஒரு புகைப்படம் பற்றி ஆய்வு செய்ய தீர்மானித்தோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் வழியே (+919049044263 & +919049053770) அனுப்பி, உண்மையா என்று சந்தேகம் கேட்டனர். 

FB Claim Link l Archived Link

பலரும் இதனை உண்மை என நம்பி ஷேர், கமெண்ட் செய்து வருகின்றனர். 

உண்மை அறிவோம்:

சில நாட்கள் முன்பாக, பிரதமர் மோடியின் புதிய கெட்டப் என்று ஒரு புகைப்படம் சமூக வலைதளங்களில் பரவியது. ஆனால், இந்த படம் AI முறையில் தயாரிக்கப்பட்ட ஒன்று என நாம் உரிய ஆதாரங்களுடன் நிரூபித்திருந்தோம். 

Fact Crescendo Tamil link  

இந்த வரிசையில் பகிரப்படும் மேலும் ஒரு போலியான புகைப்படம்தான், மேற்கண்ட போப் பிரான்சிஸ் பற்றிய படமும். இதேபோல, மாடர்ன் உடையில் போப் தோன்றுவதாக மற்றொரு படம் கூட பகிரப்படுகிறது. அதுவும் போலியான ஒன்றுதான். 

ஆம், இதுபோன்ற படங்களை AI (Artificial intelligence) செயலிகள் பயன்படுத்தி, நாம் கூட தயாரிக்க முடியும். நாம் ஆய்வு செய்யும் படத்தில் போப் பிரான்சிஸ் உடை நனையாமலேயே நீருக்குள் இருப்பதைக் காணலாம். அடுத்ததாக, அவருக்கு அருகில் உள்ள பெண்ணின் ஒரு கை முழுமை பெறாமலேயே உள்ளது. 

உதாரணமாக, picsart.com சென்று நாமும் இப்படியான புகைப்படங்களை தயாரித்து பார்த்தோம். ஒரு படத்தில், போப் உடன் முழுமை பெறாத கைகள் உள்ள நபர்கள் இருப்பதைப் போன்ற முடிவு நமக்கு கிடைத்தது. 

மேலும் சில படங்களை தயாரித்து பார்த்தோம். அவற்றையும் கீழே இணைத்துள்ளோம். 

எனவே, AI முறையில் போப் பிரான்சிஸ் பற்றி தயாரிக்கப்பட்ட போலியான புகைப்படத்தை பலரும் உண்மை போல பகிர்ந்து வருவதாகச் சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram